SÖHBƏT - MÜSƏLMANIN VƏZİFƏSİ
Müsəlmanlar milli birlik və bərabərliyə çox dəyər verməli, məmləkətlərinin inkişafı üçün maddi, mənəvi səfərbər olmalı, din bilgilərini yaxşı öyrənməli, Allaha və qullara qarşı olan vəzifələrini, borclarını yerinə gətirməlidir. İslamın gözəl əxlaqı ilə bəzənməli, heç kimə zərər verməməlidirlər. Fitnə-fəsad çıxarmamalıdırlar. Dinimiz belə olmağımızı əmr edir.
Müsəlmanım ilk vəzifəsi, nəfsinə, şeytana uymayıb və pis, azğın, asi kimsələrə aldanmayıb, qanuna qarşı təqsirkar olmaqdan, Allahü təalaya qarşı da günah işləməkdən çəkinməkdir. Allahü təala qullarına üç vəzifə verdi:
Birinci vəzifəsi: Şəxsi vəzifəsidir. Hər Müsəlman özünü yaxşı yetişdirəcək, səhhətli, ədəbli, gözəl əxlaqlı olacaq, ibadətlərini yerinə yetirəcək, elm və gözəl əxlaq öyrənəcək, halal tikə qazanmaq üçün çalışacaqdır.
İkinci vəzifəsi: Ailə içindəki vəzifəsidir. Xanımına, valideyninə, övladlarına, qardaş və bacılarına olan vəzifəsini yerinə gətirəcəkdir.
Üçüncü vəzifəsi: Cəmiyyət içindəki vəzifəsidir. Qonşularına, müəllimlərinə, tələbələrinə, ailəsinə, əmrində olanlara, hökumətə və dövlətə, bütün vətəndaşlara, dini və milliyyəti başqa olanlara qarşı vəzifələridir.