Untitled Document

SÖHBƏT - KİŞİNİN XANIMI ÜZƏRİNDƏKİ HAQQI (1)

Həzrəti Əli (kərrəmallahu təala vəchəh)dən rəvayət olunur ki, bir gün Rəsuli əkrəmin (sallallahu təala aleyhi və səlləm) hüzuruna bir qadın gəlib: “Ya Rəsulallah! Bir nəfərə ərə getmək istəyirəm, nə buyurursuz?”, dedi. Səadətlə buyurdu ki, “Kişinin qadın üzərində haqqı çoxdur. Öhdəsindən gələ biləcəksən?” O qadın: “Ya Rəsulallah! Kişinin haqqı nədir?”, soruşdu. Peyğəmbərimiz (aleyhissəlam) buyurdu: “Sən onu incitsən, Allaha asi olarsan və namazın qəbul olunmaz.” Qadın soruşdu: “Başqa hansı haqqı var?” Rəsulullah (sallallahü aleyhi və səlləm) buyurdu: “Hansı qadın ərindən icazəsiz evdən bayıra çıxsa, hər addımına günah yazılar.” Qadın dedi: “Yenə var?” Rəsul-i əkrəm (sallallahü təala aleyhi və səlləm) buyurdu: “Ərinə pis söz deyənin, qiyamətdə dilini ənsəsindən çıxararlar.” Qadın soruşdu: “Başqa hansı haqq var?” Rəsul-i əkrəm buyurdu: “Hansı qadın, malı olduğu halda ərinin ehtiyacını ödəməsə, axirətdə o qadının üzü qara olar.” Qadın, başqa hansı haqqın olduğunu soruşdu. Rəsul-i əkrəm buyurdu: “Hansı qadın, ərinin malından oğurlayıb, başqasına versə və əri ilə halallaşmasa, Allahü azım-üş-şan, o qadının zəkat və sədəqəsini qəbul etməz.” Qadın soruşdu: “Başqa haqq da var?” Rəsul-i əkrəm buyurdu: “Hansı qadın, ərini söysə və ya ona qarşı çıxsa, tamı içində dilindən asarlar; hansı qadın, rəqs və çalğı dinləməyə getsə, pul versə, kiçik yaşlarından bəri qazandığı savabları məhv olar. Üzərindəki libasları da şikayətçi olub, bizi mübarək günlərdə və halalı üçün geyinmədi, haram yerlərə getdi, dedikdə, Haqq təala buyurar ki, belə qadınları gərək min il yandırım.” [Kinonun, radio və televizorun pis cəhətlərini buradan da anlamaq olar.] O qadın, bu cavabları eşitdikdə, “Ya Rəsulallah! Bu vaxta qədər ərə getməmişəm, bundan sonra da getmərəm”, dedi.