SÖHBƏT - KİŞİNİN XANIMI ÜZƏRİNDƏKİ HAQQI (2)
Bir dəfə Rəsuli əkrəm (sallallahü aleyhi və səlləm) səadətlə buyurdu: “Ya xatun! Ərə getməyin savabını da xəbər verim, dinlə! Hansı qadına, əri, Allah səndən razı olsun desə, altmış il ibadət etməkdən daha üstündür. Ərinə bir içim su versə, bir il oruc tutmaqdan daha dəyərlidir. Ərinin döşəyindən qalxdığı zaman qüsl alsa, bir qurban kəsmiş kimi savab qazanar. Ərinə hiylə etməzsə, onun üçün göylərdə mələklər təsbeh edərlər. Əri ilə əylənərsə, altmış qul azad etməkdən xeyirlidir. Ərinin ruzisini mühafizə etsə, onun qohumlarına mərhəmət etsə, beş vaxt namazını qılıb, orucunu tutsa, min dəfə Kəbəyə getməkdən daha üstündür.” Fatimə-i Zəhra (radıyallahü anha), bir qadın ərini incitsə, halı necə olar, deyə soruşduqda, “Bir qadın ərinə asi olsa, onunla halallaşmayınca, Allahü təalanın lənəti onun üzərində olar. Ərinin döşəyindən qaçsa, bütün savabları gedər. Ərinə qarşı təkəbbürlənsə, Haqq təala ona qəzəblənər. Ərinə, məgər sən mənim ağamsan və səndən nə gördüm ki, desə, Allahü təala ona nemətini haram edər. Ərinin qanını dili ilə yalasa belə, yenə də onun haqqını ödəmiş olmaz. Qadın ərinin izni ilə küçəyə açıq-saçıq çıxsa, ona izn verdiyi üçün ərinin əməl dəftərinə min günah yazılar”, buyurdu. İcazəsiz çıxıb gedən qadının halının necə olacağını burdan anlamaq olar.