Untitled Document

SÖHBƏT - MÖMİNİN XÜSUSİYYƏTLƏRİ

Möminin mömində yeddi haqqı vardır:

1-Dəvətinə getmək.
2-Xəstə olduqda ziyarətinə getmək.
3-Cənazəsinə getmək.
4-Nəsihət etmək.
5-Salam vermək.
6-Bir zalımın əlindən qurtarmaq.
7-Asqırdığı zaman “Əlhamdülillah” dedikdə, “Yərhamükəllah” demək.

Möminin xeyirlisi, bu altı xüsusiyyətə malik olandır:
1-İbadət edər. 2-Elm öyrənər. 3-Yamanlıq etməz. 4-Haramlardan çəkinər. 5-Heç kimin malına göz dikməz. 6-Ölümü heç unutmaz.

MÜSƏLMANA BƏDDUA

Hədisi-şərifdə, “Özünüzə, övladınıza pis dua etməyin. Allahın təqdirinə razı olun. Nemətlərinin artırılması üçün dua edin” və “Ananın, atanın övladına, məzlumun zalıma olan bədduaları rədd olunmaz” buyuruldu. Bir müsəlmanın kafir olması üçün dua edənin özü kafir olar. Bir zalımın kafir olaraq ölməsini, sonsuz əzab çəkməsini istəmək küfr olmaz. Musa əleyhissəlam belə dua etdiyi Quranı-kərimdə bildirmişdir. İmamı-azam Əbu Hənifə “rahimə-hullahü təalə”, başqasının kafir olmasını istəmək küfr olar, buyurdu. Zalımdan başqasına bəddua etmək haramdır. Zalıma zülmü qədər bəddua etmək caiz olar. Caiz olan bir şeyin miqdarı, üzrün miqdarı qədər olar. Zalıma da bəddua etməmək, səbir etmək və hətta əfv etmək daha yaxşıdır. Zimmiyə və hər hansı bir kafirə Allah ömür versin demək caiz deyildir. Müsəlman olması üçün və ya cizyə verərək müsəlmanların qüvvətlənməsi üçün belə dua etmək caiz olar. Kafirə hörmət ilə salam verən kafir olar. Kafirə hörmət bildirən bir söz demək, məsələn, ustadım, demək küfr olar. 

ÇƏKMƏÇİNİN QORXUSU

Bir abid ibadət etmək üçün dağa çıxar. Bir gecə yuxusunda ona “Filan çəkməçiyə get! Sənin üçün dua etsin” deyilir. Abid dağdan enər, o adamı tapar, nə işlə məşğul olduğunu soruşar. O da gündüzləri oruc tutub, ayaqqabı təmiri ilə məşğul olduğunu, qazandığı pul ilə ailəsinin ehtiyaclarını qarşıladıqdan sonra artıq qalan puldan ehtiyacı olanlara verdiyini söyləyər.

Abid onun gözəl bir işlə məşğul olduğunu, lakin özünün isə daha da yaxşı bir iş gördüyünü düşünər və təkrar olaraq ibadətinə qayıdar. Yenə gecə yuxusunda “Çəkməçiyə get və ondan “Bu üzündəki saralmanın səbəbi nədir?” deyə soruş. Abid də gedər çəkməçidən bunun səbəbini soruşar. Çəkməçi də “Kimi görsəm, bu qurtulacaq, amma mən həlak olacam, deyər və özümdən qorxaram. Üzümün də saralması bundandır” deyər. Bundan sonra o abid çəkməçinin bu qorxu və təvazö ilə üstünlük qazandığını başa düşər.