SÖHBƏT - TORPAQ KİMİ OLMAQ
Torpaq təvazö simvoludur. Dağ kimi başını tik tutmaz. Hər kəs üstünə basar keçər. Kimsəyə bir şey deməz. Dözümdə də torpaq kimi olmalı, insanların çətinliklərinə dözməli, demişlər. Torpaq kimi olmaq yaxşıdır. Torpaq bir səviyyədir. Nə çuxur olmalı, nə də bütün təpə. Torpaq kimi təvazökar olan, hər nemətə qovuşar, bir parça yüksələn torpaqda su dayanmaz. Susuz da həyat olmaz.
İmamı Rəbbani həzrətləri buyurur ki:
Bu dünya axirətin tarlasıdır. Burada toxum əkməyib, yaradılışda olan, torpaq kimi yetişdirici qüvvətini işlətməyənlərə, bundan faydalanmayanlara və əməl, ibadət toxumlarını əldən qaçıranlara təəssüflər olsun! Torpaq kimi yetişdirici qüvvəti işlətməmək, oraya bir şey əkməməklə və ya zərərli, zəhərli toxum əkməklə olar. Bu ikincisinin zərəri, pozuqluğu, birincisindən qat-qat daha çoxdur. Zəhərli, xarab toxum əkmək, dini, din dərslərini, dindən xəbəri olmayanlardan öyrənmək və din düşmənlərinin əsərlərindən (zərərli mediadan öyrənmək) oxumaqdır. Çünki, din cahilləri, nəfsinə tabe olar, kefi arxasınca qaçar. Dini, maraqlarına uyğun gəldiyi kimi söyləyər. Qarşısındakının da nəfsini azdırar və qəlbini qaraldar. Dini əsər verərkən, İslamiyyətə uyğun olmayanı uyğun olandan ayıra bilməz. Gənclərə nələri və necə izah etmək lazım gəldiyini bilə bilməz. Özü kimi, tələbəsini də cahil yetişdirər. Bir çox şeylər oxuyub əzbərləməklə, (başqa elm qollarında söz sahibi olmaqla, fənn və sənət şöbələrində ixtisas qazanmaqla) insan din adamı ola bilməz və din bilgisi verə bilməz.