Untitled Document

SÖHBƏT - TƏVƏKKÜL NƏDİR?

Təvəkkül, səbəblərə yapışmayıb, tənbəl-tənbəl oturmaq deyil. Çünki, belə olmaq Allahu təalaya qarşı ədəbsizlik olar. Müsəlmanın düzgün olan bir səbəbə yapışması lazımdır. Səbəbə yapışdıqdan və çalışmaya başladıqdan sonra təvəkkül edilir. Yəni istənilən bir şey bunun hasil olmasına səbəb olan şeydən gözləmək olmaz. Allahu təaladan gözləmək lazımdır. Çünki Allahu təala səbəbi istənilən bir şeyə qovuşmaq üçün bir qapı kimi yaratmışdır. Bir şeyin meydana gəlməsinə səbəb olan bir işi etməyib səbəbsiz olaraq gəlməsini istəmək ədəbsizlik olar.

Təvəkkül, dinin bildirdiyi bütün səbəblərə yapışdıqdan sonra nəticəni səbəblərdən deyil, səbəbləri yaradandan gözləməkdir.

Təvəkkül dəyişdirilməsi insan əlində olmayan məyus olduğu hadisələri əzəldə təqdir edilmiş bilib məyus olmamaq, Allahu təaladan gəldiyini düşünüb sevərək qarşılamaqdır.

MƏNQİBƏ - ZİYARƏTƏ MANE OLAN MAL

Qays, hər kəsə çox lütfkarlıqda olan, istəyənlərə borc pul verən comərd bir şəxs idi. Bir gün xəstələnər. Ancaq tanışları ziyarətinə gəlməz. Maraqlanar, sonunda öyrənər ki, özünə borclu olanlar, utandıqları üçün gələ bilmirlərmiş.

Bunun üzərinə “Dostlarımı utandıran, ziyarətdən məhrum edən malı Allah qəhr etsin!”, deyər. Daha sonra bir dəllal çağırdıb, hər yeri gəzib “Qaysın kimdə alacağı varsa bağışlamışdır, haqqını halal etmişdir”, deməsini əmr edər.

Elandan sonra Qaysın ziyarətinə o qədər çox insan gəlir ki, izdihamdan evinin nərdivanı qırılar.