Untitled Document

HİKMƏT ƏHLİ ŞƏXSLƏR BUYURUR Kİ

Yaxşılıq, comərdlik, insanlara xidmət, Allahü təalanın çox sevdiyi bir əxlaqdır. Bu, hər qula nəsib olmaz. Əgər bu əxlaq bir kafirdə varsa, onun imana qovuşma ehtimalı çox yüksəkdir. Peyğəmbər əfəndimiz, bu gözəl əxlaq sahibi insanlara, ölümlərinə yaxın görünüb, “Sənin çox yaxşılıqların var, amma iman etmədikcə bunların faydası olmaz. Mən Allahın elçisi Muhamməd əleyhissəlamam. Əgər məni təsdiq edib, Kəlmeyi-şəhadət gətirsən Cənnətə girərsən” buyurar. Çoxlarına da, iman nəsib olar, kəlmeyi-şəhadəti gətirər, oradakılar da eşidər və ondan sonra imanla ölər.

Comərdlik, kökü Cənnətdə, budaqları dünyada olan bir ağacdır. Bu budaqlar, comərdləri özlərinə bağlayar. Comərdlər, bu ağacın budaqlarına, istəsə də, istəməsə də yapışar, çünki onların iradəsində deyil. Maqnitin metalı çəkdiyi kimi, o ağacın budaqları da comərdləri özünə çəkər. Sonra, ağac budaqları Cənnətə gedincə, budaqlara yapışmış olanlar da beləliklə Cənnətə gedər. Lakin nə qədər comərd olursa olsun, imanı yoxsa, Cənnətə girə bilməz, Cəhənnəmdə sonsuz qalar.

Biz Allahu təalanın qullarına necə davransaq, uca Allah da bizə elə davranar. Yəni, bağışlasaq, Allahın bağışladığı qul olarıq. Versək, O da bizə verər. O, qullarına edilən yaxşılıqları sevər. Peyğəmbər əfəndimiz buyurur ki:

“Müsəlman, Müsəlmanın qardaşıdır, ona zülm etməz, onu çətinlikdə buraxmaz. Din qardaşına kömək edənə, Allahü təala kömək edər. Allahü təala, din qardaşının çətinliyini aradan qaldıranın, qiyamətdəki çətinliyini aradan qaldırar, bir Müsəlmanı sevindirəni, qiyamətdə sevindirər.”