ANA-ATAYA QULLUQ
İmandan sonra birinci vəzifəmiz ana-atanın qəlbini qırmamaqdır. Onlar nə qədər pis olsalar da, yenə hər şeyin üstündə haqları vardır. Onların qəlbini qıranın ibadəti qəbul olmaz. Müsəlman doğulmağımıza və müsəlman böyüməyimizə səbəb olan ana-atamız bizdən razı olmadıqca, Allahü təalanın sevdiyi qulu ola bilməmiz çox çətindir. Yaxşılıq edərək razılıqlarını almağa çalışmalıyıq. Allahü təala “Ana-ataya yaxşılıq edin!” buyurur (Nisə36, Ənam 151, Ankəbut 8)
Hədisi-şəriflərdə buyuruldu ki:
“Ana-atasına qulluq edənin ömrü bərəkətli və uzun olar. Onlara qarşı olanın, üsyan edənin ömrü bərəkətsiz və qısa olar. (Ey oğul Elmihalı)
“Ana-atası yanında qocaldığı halda (onların rizalarını almayıb) Cənnəti qazanmayanın burnu sürtülsün. (Tirmizi)
Ana-atanın üzünə sərt baxmamaq, şəfqətlə və sevgi ilə baxmaq lazımdır. Hədisi-şəriflərdə buyuruldu ki:
“Ana atanın üzünə şəfqət ilə baxana, qəbul olmuş bir həcc savabı yazılır.” (İ. Rafii)
Övladın ana atasına sevgi ilə baxışı üçün qəbul edilmiş bir həcc savabı veriləcəyi bildirilincə oradakılar, “Gündə min dəfə baxsa da belə savaba qovuşa bilinirmi?” Peygəmbər əfəndimiz “Gündə yüz min dəfə baxsa da” buyurdu. (Şira)