Untitled Document

İman və əlamətiİman və əlaməti


            İman, “Əməntü”də bildirilən 6 əsasa inanmaqdır.
Hədisi-şərifdə buyuruldu ki:
            “İman, Allaha, mələklərinə, kitablarına, peyğəmbərlərinə, axirət gününə, ölümə və öldükdən sonra dirilməyə, Cənnətə, Cəhənnəmə, hesaba, tərəziyə, təqdirə, xeyir və şərin Allahdan olduğuna inanmaqdır.”
            Bunları qəlb ilə təsdiq etmək şərtdir. İmanın qüvvətli olmasının əlamətləri çoxdur. Bu səpkidə Hədisi-şəriflərdən bir neçəsi belədir:
“Yaxşılıq etdiyi zaman sevinən, günah işlədiyi zaman məyus olan imanı var, deməkdir”.
            “Qəlbində imanı olan Allahü təalanı sevər”.
            “İman çılpaqdır. Paltarı təqva, bəzəyi həya, sərmayəsi elm, meyvəsi əməldir”.
            “İman, namaz deməkdir. Kim namaz üçün qəlbini hazırlayar və namazı etina ilə, vaxtına (digər fərzlərinə) və sünnətinə riayət edərək qılarsa, o mömindir.”
            “Möminlərin iman baxımından ən qüvvətli olanı gözəl əxlaqa sahib olanıdır. Yanına asanca yaxınlaşır, gələni gedəni çox olur. Hər kəslə yaxşı davranır. Kim ətrafı ilə yaxşı keçinmirsə, onda xeyir yoxdur”.
            “İnsanın harada olursa-olsun Allahı unutmaması imanın qüvvətli olduğunu göstərir.”
            “Bu üç şey kimdə varsa, imanın dadını alır: Allah və Rəsulunu hər şeydən çox sevirsə, bir nəfəri yalnız Allah rizası üçün sevirsə, küfrə düşməkdən atəşə düşmək qədər çox qorxursa”.
            “İmandan üç şey: Darlıqda infak etmək (xeyrə xərcləmək), rast gəldiyi müsəlmana salam vermək və öz əleyhinə də olsa ədalətli davranmaq”
            “Pisləyən, lənət edən, pis söz söyləyən və həyası az olan kimsə mömini-kamil (yəni imanı qüvvətli) deyildir.”
            “Məni övladından, ana-atasından və bütün insanlardan daha çox sevməyən iman etmiş sayılmaz”