Cümə Namazının Fərzləri (2)
Cümə namazının vücub şərtləri doqquzdur:
1. Şəhərdə, qəsəbədə yaşamaq. Səfəril olanlara fərz deyildir.
2. Sağlam olmaq, xəstəyə, xəstəni yalnız qoya bilməyən baxıcıya və qocalara fərz deyildir.
3. Azad olmaq.
4. Kişi olmaq. Qadınlara fərz deyildir.
5. Həddi-büluğ olmaq. Yəni “Mükəlləf” olmaq.
6. Kor olmamaq. Yolda aparan olsa belə kor olana fərz deyildir.
7. Yeriyə bilməkdir. Nəqliyyat vasitəsi olsa belə, iflicə, ayaqsıza fərz deyildir.
8. Həbs edilmiş olmamaq və düşmən qorxusu, hökumətdən, zalımdan qorxusu olmamaq.
9. Çox yağış, qar, fırtına, palçıq və soyuq olmamaq.
Lobya Çığırtması
1 kilo göy lobya (5 sm uzunluqda doğrayın), təxminən 6 xörək qaşığı duru yağ və ya kərə yağı, 2 ədəd baş soğan - xırda-xırda doğrayın (2 stəkan alınacaq), 2 ədəd pomidor - qabığını soyub xırda-xırda doğrayın (2 stəkan alınacaq), 1 stəkan xırda-xırda doğranmış reyhan, zövqə görə duz, istiot, 4 ədəd yumurta.
Əvvəlcə lobyanı su doldurulmuş qazana qoyub, qaynadıb tamaməm bişməzdən əvvəl süzün. Sonra ya elə olduğu kimi qoyun qalsın, ya da stəkanın dibiylə lobyanı bir az əzin, çox deyil (bu metod Zaqatala-Balakən rayonlarında məşhurdur. Lobyanı əzməklə onun həm dadı üzə çıxır, həm də lobya yumuşalır. Bu metod mənim çox xoşuma gəlir).
Tavada yağı qızdırın. Soğanı yağda bir az qızardın. Üstünə pomidor və reyhanı əlavə edib 5 dəqiqə də bişirin. Lobyanı buraya əlavə edin. Duz, istiot vurun. Tavanın qapağını örtün və yeməyi arada bir qarışdıra-qarışdıra, suyu çəkilənə və lobya bişənədək bişirin, təxminən 15 dəqiqə. Yumurtaları bir kasaya qırıb qarışdırın. Sonra bu qarışığı lobyanın hər tərəfinə tökün. Qapağı bağlı, yumurtalar bərkiyənədək bişirin.
RƏVAYƏT
Həzrəti Əbu Bəkri Sıddıq (radıyallahu anh) bir gecə çox ibadət etdiyindən, gecə sonunda yuxu apardı. Vitr namazı keçdi. Sübh namazında Peyğəmbər əfəndimizi təqib edərək məscid qapısında hüzuruna gəlib fəryad etdi. “Ya Rəsulallah! Köməyimə çat, vitr namazım keçdi” deyə ağlayaraq yalvardı. Rəsulullah əfəndimiz də ağlamağa başladı. Bunun üzərinə Cəbrayıl-əleyhissəlam gəlib, “Ya Rəsulallah! Sıddıqa söylə ki, Allahu təala Onu əfv etdi” dedi.