CÜMƏ GÜNÜ

Cümə möminlərin bayramıdır. Bu gün edilən ibadətlərə ən az iki qat savab verilir. Bu gün işlənən günahlar da iki qat yazılır. Bir hədisi-şərif məali belədir:

“Allah qatında günlərin əfəndisi Cümədir. O qurban və Ramazan bayramı günlərindən də fəzilətlidir. Cümə günündə bu beş özəllik vardır: 1. Həzrət Adəm o gün yaradıldı. 2. O gün yer üzünə endirildi. 3. O gün vəfat etdi. 4. O gündə elə bir an vardır ki, günah və ya qohumlarla əlaqəni kəsmə mövzularında olmamaq şərtilə qul Allahü təaladan bir şey istəyərsə Allahü təala mütləq onu verər. 5. Qiyamət günü o gün olacaq. Allaha yaxın heç bir mələk, heç bir göy, heç bir yer, heç bir külək, heç bir dağ və daş yoxdur ki, Qiyamətin qopmasına səhnə olacağı üçün Cümə gününün heybətindən qorxmasın. (Buxari, İ. Əhməd)

“Savablar içində Cümə günü və gecəsində ediləndən daha qiymətlisi, günahlar içində də Cümə günü və gecəsində işlənəndən daha pisi yoxdur”. (Ramuz)

“Cümə günü günah işləmədən keçərsə digər günlər də salamatda keçər” (İ. Qazali)

“Cümə günü quşlar, vəhşi heyvanlar bir-birilərinə “Salam sizə, bu gün Cümədir” deyərlər. (Deyləmi)

“Dörd gecənin gündüzü də gecəsi kimi fəzilətlidir. Allahü təala o günlərdə dua edənin istəyini geri çevirməz, onları bağışlayar və onlar bu günlərdə bol ehsana nail olurlar. Bunlar: Qədir gecəsi, Arəfə gecəsi, Bəraət gecəsi, Cümə gecəsi və günləridir”. (Deyləmi)

“Cümə günü və ya gecəsi ölən mömin şəhid olar, qəbir əzabından qurtular. (Əbu Naym)

Cümə namazı özünə fərz olan hər müsəlmanın alış-verişi buraxıb namaza getməsi fərzdir. Üzrsüz Cüməyə getməmək haramdır. Azan oxunarkən də, alış-veriş etmək məkruhdur. Halbuki alış-verişin özü halaldır. Yəni alınan mal məkruh deyil, halaldır. Lakin azan oxunarkən alış-veriş etmək məkruhdurş (Dürər)