Hubbu fillah

Hubbu fillah, buğdu fillah. (Allah üçün sevmək, Allah üçün sevməmək)

İmanın təməli və ən mühüm əlaməti: hubbu fillah və buğdu fillahdır. Yəni Allahü təalanın sevdiklərini yalnız Allahü təalanın rızası üçün sevmək və Allahü təalanın sevmədiklərini də yalnız Allahü təalanın rizası üçün sevməməkdir. (Bu yalnız qəlb ilə olur, dava etmək, döyüşmək demək deyildir).

Sevgili Peyğəmbərimiz Muhamməd əleyhissəlam əfəndimiz bir hədisi-şəriflərində buyururlar ki “Əl mər`u, mə`a mən əhabbə” yəni “İnsan sevdiyi ilə bərabərdir” deməkdir.

Allahü təalanın düşmənlərini sevmək və onlarla qarışmaq, insanı Allahü təalaya və Onun Peyğəmbərinə “sallallahü aleyhi və səlləm” düşmən olmağa sürükləyər. Bir insan özünü müsəlman zənn edər. Kəliməi-tövhidi söyləyib, inanıram deyər. Namaz qılar və hər ibadəti yerinə yetirər. Halbuki, bilməz ki, belə çirkin hərəkətləri onun imanını və islamını təməldən aparır.

Muhamməd əleyhissalətü vəssəlama tam və qüsursuz tabe ola bilmək üçün Onu tam və qüsursuz sevmək lazımdır. Bunun əlaməti də Onun düşmənlərini düşmən bilmək, Onu bəyənməyənləri sevməməkdir. Məhəbbətdə zəiflik etmək olmaz. Aşiqlər sevgililərinin divanəsi olub, onlara yaraşmayan bir şey etməzlər. Zidd gedənlərlə uyğunlaşa bilməzlər. İki zidd şeyin məhəbbəti bir qəlbdə bir yerdə yerləşməz. İki ziddən birini sevmək, digərinə düşmənliyi zəruri edər.