SÖHBƏT - MƏDƏNİ İNSAN

Mədəni, alicənab və namuslu bir insan, hər şeydən əvvəl dürüst və çalışqandır. Təhsil almış və ya oxuyaraq öz-özünü yetişdirmişdir. Sözü, özü doğrudur. İşlərini son dərəcə diqqətlə, əvvəldən axıra qədər təqib edər. Lazım gələrsə normal iş saatlarından daha artıq işləyər.

Vətənini, millətini və bayrağını sevər. Ölkənin qanunlarına son dərəcə hörmətlidir. Onlara qarşı çıxmaz. Rəhbərlərinə itaət edər. Hər baxımdan yaxşı tərbiyəsiylə ətrafındakılara örnək olar.

İslamiyyətin əmr və qadağalarını yaxşı öyrənib onlara dəqiqliklə əməl edər. Uşaqlarının imanlı və gözəl əxlaqlı böyümələrinə önəm verər. Onları pis yoldaşlardan və zərərli nəşrlərdən qoruyar.

Belə insanlar ruhunun təmizliyinin yanında bədənin təmizliyinə də diqqət edərlər. İstifadə etdiyi əşyalar, yeyib-içdikləri, evi, ətrafı həmişə təmiz olar. Ayrıca gülər üzlü, şirin dilli, ağır təbiətli və nəzakətlidir.

Anasına, atasına, müəlliminə, böyüklərinə qarşı son dərəcə hörmətcildir. Hamı ilə yaxşı rəftar edər və onunla yaxşı rəftar edilər. Qürurlu deyil, son dərəcə təvazökardır. İffətli, comərd, yaxşı niyyətli, şəfqətlidir. Verdiyi sözün üstündə durar. Heç kimə hiylə, xəyanət və pislik etməz.

Pis xüsusiyyətlərdən heç biri onda olmaz. Buna qarşılıq olaraq bütün yaxşı xüsusiyyətlər onda toplanmışdır.

Belə olan insanlar bu dünyada rahat etdikləri kimi, axirətdə də rahatlıq və hüzur içində olarlar.