Seyid Əmir Külal “rahmətullahi aleyh” həzrətləri buyurdu ki:

Qəlbin, dilin və bədənin təmiz olması halal tikə yeməyə bağlıdır. Bunu yaxşı bilin. Halal tikə yeyən insanın mədəsi, içində təmiz su yığılan hovuz kimidir. Bu hovuzdan ətrafa təmiz su dağılar və bu su ilə çiçəklər yetişər, ağaclar meyvə verər, ondan istifadə edərlər. Rəsulullah “sallallahü aleyhi və səlləm” bir hədisi-şərifdə buyurdu ki: “Bir kimsə haram qatmadan qırx gün halal yeyərsə, Allahü təala onun qəlbini nur ilə doldurar. Qəlbinə çaylar kimi hikmət axıdar. Dünya məhəbbətini qəlbindən çıxardar.”
Tövbə edin! Tövbəkar və ədəbli olmaq lazımdır. Tövbə edin ki, tövbə bütün ibadətlərin başıdır. Tövbə sadəcə dil ilə olmaz. Tövbə, işlənən günahlara qəlbdən peşmanlıq və bir daha günahı işləməməkdir. Allahü təaladan daima qorxun. Öz günahlarınıza baxıb, tövbə edin. Başqaları sizdən xoşu gəlsin. Günahlarınıza peşman olub, o qədər ağlayıb, tövbə edin ki, həqiqətən sizə tövbəkar desinlər.

Müsəlman ağıllı tacir kimi olmalı, nə etdiyini bilərək etməlidir. Məhşərdə bir camaat Cənnətə gedərkən mələklər deyəcəklər ki, bir dəqiqə, sizə hesab görüldü? Siz məhşərə getdiniz? Siz Sirat körpüsündən keçdiniz? Yox, biz elə bir şey görmədik. Yaxşı, nə əməl gördünüz ki, siz əlinizi, qolunuzu sallaya-sallaya Cənnətə gedirsiniz? Onlar deyəcək ki, Rəbbimizə soruş. Allahü təala deyəcək ki: “Onlar mənim muhiblərimdir. Bunlar ümməti Muhamməddən olub, Allah rizası üçün bir-birini sevən qullarımdır. Mən onlardan hesab soruşmaram” onlar düz Cənnətə gedər.  

Məhşərdə günəş bir mizraq qədər alçalacaq. Hər kəs çox tərləyəcək. Hesabının görülməsini gözləyəcəklər. Sonra o məhşərdə yeddi sinif insan Ərşin altında kölgələnəcəkdir. Onlar üçün əzab qorxusu olmayacaq. Onlardan bir dənəsi də Allah üçün möminin üzünə sevgi ilə, məhəbbətlə baxandır, bunun qiymətini də bilin!.

İnsan sevdiyi ilə bərabər olacaq. İnşallah cənabı-Haqq bizə sevdiklərinə qovuşmağı və sevdikləri ilə bərabər olmağımızı nəsib etsin! Amin!