Əshabi Kiram

Səid ibn Zeyd

Cənnətlə müjdələnənlərdən.
Səid ibn Zeyd həzrətlərinin atası Zəyb ibn Amr İslamiyyətdən əvvəl Peyğəmbərimizlə görüşərdi. Allahu təalanın ona verdiyi ilham ilə bütlərə tapınan insanların halına çaşar, bütpərəstliyin şirk olduğunu, onlara kəsilən qurbanların ətinin yeyiləməyəcəyini düşünərdi.
Bir Allaha inan!
Bu səbəblə özünə yeni bir din tapmaq üçün Suriya tərəflərinə gedib Həzrəti İbrahimin dininə girərək Həniflərdən oldu. Məkkəyə qayıtdığı zaman cahiliyyə adətlərindən biri olaraq qız uşaqlarını diri-diri torpağa basdıranlarla mübarizə etdi. Qız uşaqlarının çoxunun ölümdən xilas olmalarına səbəb oldu.
Oğlu Səidə sıx-sıx, “Bir Allahamı, yoxsa min ilaha, bütlərəmi inanım” deyər, onu Allaha inanmağa təşviq edərdi. Bu səbəblədir ki, Peyğəmbər əfəndimiz Səidə müsəlman olmasını söyləyincə, Həzrəti Ömərin bacısı olan xanımı Fatimə ilə birlikdə dərhal müsəlman oldu.
Muhamməd əleyhissəlam İslam dinini təbliğə başladığında, ilk qatılanlardan olub ilk iman gətirənlərin arasına girdi. Habbab ibn Ərət evlərinə gəlib onlara Quranı-kərim oxuyardı.
Həzrəti Ömər ibn Xəttab da Səid ibn Zeydin evində oxunan Quranı-kərimdən qəlbi yumşalıb təsiri altında qaldı. Quranı-kərimi oxuyub fəsahatı, bəlağatı, mənaları və üstünlüklərinə heyran qalıb düşmənliyi yox oldu. Bunun üzərinə Rəsulullahın yanına gedib iman etməklə şərəfləndi.
Səid ibn Zeyd Müsəlman olanda Məkkədəki digər Əshabı kiram kimi müşriklərdən çox əziyyət çəkib, işgəncə gördü. Məkkədə sui-qəsd, işgəncə, zülm və təzyiqlər artınca, Peyğəmbər əfəndimizin icazəsi ilə Həbəşistana hicrət etdi. Sonra Mədinəyə gəldi.
Hicrəti-Nəbəvidən sonra Rəsulullahın əmriylə Həzrəti Talha ibn Ubeydullah ilə birlikdə Suriya tərəfinə, oradakıların hallarını araşdırmaq vəzifəsiylə göndərildi. Bu vəzifədə ikən Əbu Süfyanın başçılığındakı karvanın vəziyyətini araşdırdı.
On kişi Cənnətdədir
Bədir qəzasında olmadısa da Peyğəmbər əfəndimiz onun oxlarını atdı. Qənimətdən pay ayrıldı. Peyğəmbər əfəndimizin digər bütün döyüşlərinə qatıldı.
(davamı sabah)