SÖHBƏT - Şübhəli qidaları yemək

Sual: İçində donuz yağı olma ehtimalı olan qidaları yemək caizdir?

Cavab: Bəzi insanlar bazardakı qida maddələrində donuz yağı və içkilərdə spirt ola bilər, qəssabdakı ət bəsmələsiz kəsilə bilər düşüncəsiylə vəsvəsəyə düşürlər.

İmamı Qəzali həzrətləri buyurdu ki:
Haram olma şübhəsi olan şeylərdən də çəkinməli, çünki hədisi-şərifdə, “Şübhəlilərdən çəkinən, dinini, namusunu qorumuş olar. Şübhəlilərin ətrafında gəzən, harama düşə bilər” buyuruldu, fəqət yemək və içkilərdə şübhə edib yeməmək, təqva deyil, vəsvəsədir. Məsələn dinimiz, “Haram olduğu bilinməyən şeyləri yeyin” buyurur. Bəlkə o haramdır, amma biz bilmədiyimiz üçün günah olmur. “Haram olduğu bilinməyənləri yeməyin” buyurmur. Çünki bunu hər zaman təsbit etmək qeyri-mümkündür. Rəsulullah əfəndimiz bir müşrikin, Həzrəti Ömər də bir xristianın, bəlkə də nəcis olan qabından dəstəmaz almışdır. Əshabı-kiram, müsəlman olmayanların verdiyi suları içərlər, onların satdığı ət, pendir kimi qidaları alardılar. Halbuki murdar, nəcis olan şeyləri yemək haramdır. Kafirlər isə əksərən pis olarlar. Əlləri, qabları şərablı olar. Heyvanı Bəsmələsiz kəsərlər. Əshabı-kiram, bunlara baxmayaraq nəcis olduğunu qəti bilmədikləri üçün, vəsvəsə etməyib, bu növ qidaları yeyərdilər. (Əhya)

İmam Qastalani həzrətləri buyurdu ki:
“Peyğəmbər əfəndimiz Xeybərdə Əshabı-kiramla bir yəhudinin zəhərli kababından bir tikə yedikdən sonra, “Bu ət, mənə zəhərli olduğunu söylədi” buyurub başqa yemədi və son xəstəliyində, “Xeybərdə yediyim zəhərli ətin ağrısını hələ hiss edirəm” buyurdu.” (Məvahib)

Rəsulullah əfəndimiz bir yəhudinin çörəyini və kərə yağlı yeməyini təmizmi deyə soruşmadan yedi. Bu donuz yağımı, qoyun yağımı, çörəyin xəmiri su ilə mi, yoxsa şərab ilə yoğuruldu deyə soruşmadı. Müşrik qadının su qabından dəstəmaz aldı. Bunlar, araşdırmanın lazım olmadığına bir dəlildir. (Bəriqa)

İmam Rəbbani həzrətləri buyurdu ki:
“Kafirlərin bədənləri deyil, inancları pisdir. Qurani-Kərimdə, “Əhli kitabın (Yəhudi və Xristianın) bişirdiklərini (və kəsdiklərini) yemək halaldır” buyuruldu. (Maidə 5)

“Kafirlərlə alver edən Müsəlmanları pis bilməmək, bunların yemək və içəcəklərindən çəkinməmək lazımdır! Bu hal ehtiyat deyil, bu haldan xilas olmaq ehtiyatdır.” (Məktubat 3/22)

(davamı sabah)