NAMAZIN HİKMƏTLƏRİ “Namaz və sağlığımız” (2)

6. Bədənin sağlamlığı üçün təmizlik şübhəsiz lazımdır. Dəstəmaz və qüsl həm maddi, həm də mənəvi bir təmizlikdir. Məhz namaz təmizliyin əsl özüdür. Çünki həm bədəni, həm də ruhi təmizlik olmadan namaz olmaz. Dəstəmaz və qüsl bədənin təmizliyini təmin edər. İbadət etmək vəzifəsini yerinə yetirən ruhən istirahət etmiş, təmizlənmiş olar.

7. Praktiki müalicədə müəyyən zamanlarda edilən bədən hərəkətləri çox mühümdür. Namaz vaxtları qan dövranını təzələmək və tənəffüsü canlandırmaq üçün ən uyğun vaxtlardır.

8. Yuxunu tənzim edən əsas şərt namazdır. Hətta vücudda toplanan statik (durğun) elektriklənmə, səcdə etməklə torpaqlanmış olur. Beləcə, vücud təkrar gümrahlığa qovuşur.

Namazın bu faydalarına qovuşmaq üçün namazı vaxtında qılmaqla birlikdə təmizliyə, çox yeməməyə və yeyilən qidaların təmiz, halal olmasına diqqət edilməsi də lazımdır.

Cümə gününün ədəbləri

• Cüməni cümə axşamından qarşılamaq.
• Cümə günü, cümə namazı üçün qüsl dəstəmazı almaq.
• Cümə namazına mümkün olduğu qədər tez getmək.
• Məsciddə namaz qılanın önündən keçməmək lazımdır, divar və ya dirək arxasından keçməli.
• Namazdan sonra ixlas, fələq, nas surələrini yeddi dəfə oxumalı.
• Duanın qəbul olduğu vaxtı axtarmalı, ancaq ibadət etməli.
• Cümə günü çox salavatı-şərifə gətirməli.
• Quranı-kərim və Kəhv surəsini oxumalı.
• Az və ya çox sədəqə verməli.
• Ana-atanın və ya bunların və saleh müsəlmanların, övliyaların qəbirlərini ziyarət etməli.