Az sərkərdə tapılar ki, Fateh Sultan Məhmədlə müqayisə olunsun. O, bütün ömrünü İslam dövlətinin möhkəmlənməsinə, sərhədlərinin genişlənməsinə, yeni torpaqların zəbt edilərək Osmanlı imperiyasının ərazisinə qatılmasına həsr etmişdir. Fateh Sultanın vaxtında bütün Avropa dövlətləri türk dövlətinin artmaqda olan nüfuzu və qüdrəti ilə hesablaşırdı.

İstanbulun fəthi 6 aprel-29 may tarixləri arasında 53 gün sürən mühasirədən sonra gerçəkləşmişdi. Fateh Sultan Məhməd Xan Topqapı-Ədirnəqapı arasındakı mərkəz cəbhəsini şəxsən özü idarə etdi. Ulubatlı Həsənin bürclərə bayraq sancması ilə coşan əsgərlər dəlik –deşik olan qaladan içəri girdi. 300 000 əsgər və 20 donanmadan mütəşəkkil olan ordu yeri və göyü bürüyən təkbir səsləri arasında günortadan sonra da Fateh Sultan Məhməd Xan Topqapıdan şəhərə girdi. İstanbulun fəthi Türk və dünya tarixi baxımından çox önəmlidir.

Həsəni Bəsri həzrətlərinə bir şəxs gəlib, “Mənim bir qızım var, gecə gündüz ağlamaqdan gözləri kor oldu. Çarəsi yoxdurmu?”, deyə yalvarıb ağladı. Həsəni Bəsri həzrətləri kədərləndi, qalxıb evə gəldilər. Qıza niyə ağladığını soruşdu.

Qız dedi ki:
“Əfəndim, mən Rəbbimə aşiqəm. Ona eşqimdən ağlayıram. Dilimdən və halımdan anlayan yoxdur. Siz olmasaydınız bunu yenə söyləməzdim. Kor olan gözlərim üçün də kədərlənəcək bir vəziyyət yox. Əgər bu gözlər sabah axirətdə Allahü təalanı görə biləcəksə, Ona minlərlə göz fəda olsun, heç qiyməti yox. Əgər axirətdə bu gözlər uca Rəbbimi görməyə layiq deyilsə, mən onları niyə göz deyə daşıyım? Axirətdə də kor olacaqlarsa, dünyada ikən də kor olub getsinlər.”

Həsəni Bəsri həzrətləri, “Eynilə davam et, övladım, heç kədərlənmə, Peyğəmbər əfəndimiz "Adam sevdiyi ilə birlikdə olacaq" müjdəsini verdi” dedi. Ayrılarkən, “Biz bura nəsihətçi və həkim olaraq gəldik, şəfa təlqin edəcəkdik. Halbuki nəsihətçi və həkimi tapmış olaraq gedirik” dedi..