MİSİR EHRAMLARI (1)

Minlərlə il qabaq inşa edilmiş Misir ehramları hələ də özündə bir çox sirri gizlədir. Onları tikən insanlar, hər halda “metr” anlayışından xəbərdar olmamışlar. Bununla yanaşı, onların ehramları gözəyarı tikmələri də ağlabatan deyildir. Müasir dövrdə ucaldılmış göydələnlərin özündə belə, cüzi sapmalar, kənaraçıxma halları istisna edilmir. Elə isə ehramları tikənlər hansı ölçü vahidlərindən istifadə etmişdilər? Arşındanmı və ya xüsusi Misir ölçüsündənmi, bu, məlum deyildir. İndi isə bu ehramların, xüsusilə də Giza ərazisindəki “Nəhəng Ehram”ın bəzi əsrarəngiz xüsusiyyətlərinə nəzər salaq:

Ehramlar hər biri 20 ton ağırlığında olan qaya parçalarından tikilmişdir. Bu qaya parçalarının yonulduğu karxanalar isə ehramların yerləşdiyi ərazidən 200 km uzaqlıqda yerləşirdi. Onların necə daşınması haqda ağlabatmayan fərziyyələr irəli sürülüb.

Ehram kimin şərəfinə tikilmişdisə, həmin fironun mumiyasının olduğu otağa günəş şüaları ildə iki dəfə - fironun doğum və taxta çıxma günlərində düşür. Mumiyaların tərkibində radioaktiv maddələr olduğundan onları ilk dəfə aşkara çıxaran 12 alim-arxeoloq xərçəng xəstəliyindən vəfat etmişdir.

Ehramların daxilində ultrasəs, radar, şüa ötürmə cihazları işləmir. Ehramın daxilinə bir qabda çirklənmiş su qoysanız, bir-neçə gündən sonra onu təmizlənmiş vəziyyətdə görəcəksiniz. Ehramın daxilində süd bir-neçə gün xarab olmadan qalır və sonra yoğurda çevrilir. Bitkilər ehramların daxilində daha tez inkişaf edirlər.
Ehramın daxilində 5 həftə qalmış sudan üz losyonu kimi istifadə etmək mümkündür. Zibil qabındakı yemək qalıqları ehramın daxilində heç bir qoxu vermədən “mumiyalaşır”. Kəsik, yanıq, sıyrılma yaraları həcmi böyük ehramların daxilində daha tez sağalır.