Müvəffəqiyyətin sirri

Qurani-Kərim insanlara iki yol göstərir:

1. Axirət yolu: İnanaraq, sevərək tətbiq edər, dünyanı da, axirəti də qazanır.
2. Dünya yolu: İnanmasa da göstərildiyi yolla gedərsə dünyada qazanır, müvəffəqiyyətli olur. Aspirin kimi, müsəlmanlar da içsə faydasını görər, kafirlər də içsə faydasını görər. Allahu təala “sadəcə müsəlmanlara verərəm” demir, “çalışana verərəm” deyir. Dünyanı kim istəsə, ona verərəm, buyurur. Axirəti istəyənə həm axirəti, həm də dünyanı verərəm, buyurur.

Quranı-Kərimin bildirdiyi gözəl əxlaqa, çalışma prinsiplərinə uymayan bir millət müvəffəqiyyətli ola bilməz. Müvəffəqiyyətli olan qeyri-müsəlmanlarda dürüstlük, çalışqanlıq, təmizlik var, yalan yoxdur. İnsanların haqqını verirlər. Bunlar Quranı-Kərimin əmr etdiyi şeylərdir. Kim tabe olarsa, o qazanır. Aptekdən bir ədəd dərman alsaq, istifadə qaydasını oxuyuruq. Qaydasına uyğun istifadə olunarsa, faydalı olur, qaydaya uyğun olmazsa, ölümə qədər aparar. Bunun kimi dünya işlərinin də qaydası vardır. Dünyadakı bütün işlərin qaydası Quranı-Kərimdə bildirilmişdir. Hər kəs ona tabe olduğu qədər müvəffəqiyyətli olur. Qeyri-müsəlmanların uğurları da buna görədir. Onların dünya üçün etdiyi faydalı işlərin heç birinin Quranı-Kərimə əks olduğu göstərmək olmaz.

Bəzi qeyri-müsəlman fənn adamları dinlərindən uzaqlaşdıqca, müvəffəqiyyətli olur. Müsəlman adını daşıyan bəzi savadsız insanlar da İslamiyyətdən uzaqlaşdıqca uğursuz olurlar. Burdakı incəliyi yaxşı başa düşmək lazımdır.

MÖMİNİN XÜSUSİYYƏTLƏRİ

Möminin mömində yeddi haqqı vardır:
1-Dəvətinə getmək.
2-Xəstə olduqda ziyarətinə getmək.
3-Cənazəsinə getmək.
4-Nəsihət etmək.
5-Salam vermək.
6-Bir zalımın əlindən qurtarmaq.
7-Asqırdığı zaman “Əlhamdülillah” dedikdə, “Yərhamükəllah” demək.
Möminin xeyirlisi, bu altı xüsusiyyətə malik olandır:
1-İbadət edər. 2-Elm öyrənər. 3-Yamanlıq etməz. 4-Haramlardan çəkinər. 5-Heç kimin malına göz dikməz. 6-Ölümü heç unutmaz.