ASLANDAN QURTARDI

İmamı-Rabbani həzrətlərinin keçmiş tələbələrindən seyid olan bir nəfər belə demişdir:

İmamı-Rabbani həzrətlərinin qardaşı, Sürunc adlanan diyarda idi. Ona bir məktub yazıb, hüzuruna gəlməsini istəmişdi. Məktubu aparmağı mənə tapşırmışdı. Yola çıxarkən salamatla getməyim üçün dua edib, Fatihə surəsini oxudu və mənə dedi ki: “Yolda Qureyş surəsini çox oxu ki, təhlükələrdən qorunasan. Əgər yolda müşkül bir iş ilə qarşılaşsan, bizi xatırla”

Getmək üçün yola çıxdım. Yanımda iki nəfər də var idi. Sürunca iki mənzillik yol qalmışdı. Lakin qarşımızda dəhşətli bir çöl var idi. Bu çöldə ikən bir ara yanımdakılardan uzaqlaşıb bir az uzağa getdim. Dəstəmazımı təzələdim və iki rükət namaz qılmaq üçün namaza durmaq istəyirdim ki, bu arada qarşıma birdən birə qorxunc bir aslan çıxdı. Mənə tərəf yaxınlaşırdı. Dərhal xocam İmamı-Rabbani həzrətlərinin: “Bir müşkül ilə qarşılaşsan məni xatırla” əmrini yadıma düşdü.

Öz özümə “Ey xocam” Allahü təalanın izni ilə imdadıma çat, məni bu yırtıcı aslanın pəncəsindən qurtar!” dedim. Hələ sözümü bitirməmişdim ki, İmamı-Rabbani həzrətləri göründü və aslana məndən uzaqlaşması üçün əli ilə işarə etdi. Aslan qaçaraq uzaqlaşıb getdi. O anda da, İmamı-Rabbani həzrətləri birdən gözdən itdi. Bu hadisəni yanımdakı yoldaşlarım da gördü. Sonra məndən soruşdular: “ Belə bir anda imdadına çatan bu böyük insan kimdir?” Mən də onlara vəziyyəti danışaraq “İmamı-Rabbani həzrətləridir” dedim. Onlar da hu hadisə üzərinə İmamı-Rabbani həzrələrini çox sevənlərdən oldular.

KÖHNƏ CORAB BELƏ GÖTÜRƏ BİLMƏDİM

Bir nəfər oğluna: “Səndən iki istəyim var, birincisi öldüyüm zaman ayağımın birinə köhnə bir corab geydirməyi unutma. İkincisi isə bu ağzı bağlı məktubu məni dəfn edincəyə qədər açma, dəfn etdikdən sonra aç oxu” deyə vəsiyyət etmişdi.
Vaxt gəldi, həmin adam öldü. Kəfənə bürüyəcəyi zaman oğlu atasının vəsiyyətini insanlara deyərək, “Atama mütləq köhnə corab geydirməliyəm” dedi. Molla, “Olmaz, dinimizə görə ölünü kəfəndən başqa bir şeylə basdırmaq olmaz” dedi. Oğlan çox israr etdi, amma qulaq asan olmadı. Dəfndən sonra oğlu atasının verdiyi məktubu oxumağa başladı:
“Oğlum! Görürsən ki, o qədər malım, mülküm olduğu halda, bir köhnə corab belə özümlə götürə bilmədim. Əlbəttə bir gün sən də mənim kimi öləcəksən. Sənə də bir neçə metrə kəfəndən başqa bir şey verməyəcəklər. Sənə tərk etdiyim malı yaxşı xərclə, sərf edəcəyin yerləri yaxşı seç. Beş vaxt namazını və digər ibadətlərini əsla tərk etmə, dində bildirdiyi şəkildə yerinə yetir. Çünki sənin qəbirə əməllərindən başqa bir şey apara bilməyəcəksən.