NAMAZIN ƏHƏMİYYƏTİ

Vaxtında əda edilən (qılınan) namazların fəziləti olduqca çoxdur. Bunlardan bir neçəsi bəyan edilmişdir:

• İnsanın üzü nurlu olur.
• Ömrünün bərəkəti olur.
• Duası qəbul olur.
• İnsanların xeyirlisi olur.
• Bütün möminlər onu sevər.

Namazı tərk etməyin, yəni səbəbsiz olaraq, vaxtından sonra qılmağın on beş zərəri vardır. Bu zərərlərin beşi dünyada, üçü vəfat edərkən, üçü qəbrdə, dördü ərasat meydanında, yəni məhşər yerindədir.

• Dünyadakı beş zərər:
• İnsanın üzündə nur olmaz.
• Ömründə bərəkət olmaz.
• Duası qəbul olmaz.
• Bir mömin qardaşına edəcəyi duası qəbul olmaz.
• Etdiyi digər ibadətlərin savabı ona çatmaz.

Səkəratı-məvtdə, yəni ölüm anında olan üç zərər:

• Ac olaraq ölər.
• Susuz olaraq ölər.
• Rəzil olaraq ölər. Nə qədər təam yesə doymaz, nə qədər su içsə, bəs etməz.

Qəbrdə olan üç zərər:
Qəbri onu sıxar və sümükləri bir-birinə keçər. Qəbri atəşlə dolar. Ona bir əjdaha musallat olar. O əjdahanın adına Akra deyilir. Onun əlində bir qamçı olar. O qamçıyla bir dəfə vurduqda yerin dibinə girər, yenə çıxar, bir daha vurar. Bu hal, qiyamətə qədər belə davam edər. O şəxs bu əzabı qiyamətə kimi çəkər.
Ərasat meydanındakı dörd zərər:

• Hesabı şiddətli olar.
• Allahü azım-üş-şanın qəzəbini qazanar.
• Cəhənnəmə daxil olar.

Onun alnına üç sətir yazı yazılar:
Birincisi, bu şəxs, Allahın qəzəbinə layiqdir.
İkincisi, bu şəxs, Allahü təalanın haqqına biganədir.
Üçüncüsü, sən, Allahü azım-üş-şanın haqqını biganəsənsə, bugünkü gündə Allahü təalanın rəhmətindən uzaqsan.