SAĞLAMLIQ - AİŞƏ SİDDİQƏ

Peyğəmbərimizin xanımlarından.

Həzrəti Aişə anamız kiçik yaşda ikən oxuma-yazma öyrənmiş olub çox zəki və qabiliyyətli idi. Hər bir hadisə üzərinə dərhal şer söyləməsi onun zəkalı olmasına bir dəlildir. Öyrəndiyi və əzbərlədiyi bir şeyi qətiyyən unutmazdı. Çox ağıllı, zəki, alimə, ədibə və afifə və salehə idi.

Üç gecə yuxuda gördüm
Rəsulullah əfəndimiz Həzrəti Xədicənin vəfatından sonra ikinci dəfə olaraq Həzrəti Əbu Bəkirin qızı Həzrəti Aişəni kəbinlədi, fəqət toy olmadı. Peyğəmbərimizin Həzrəti Aişə ilə evlənməsində ən əhəmiyyətli xüsus, kəbin əqdinin Həzrəti Peyğəmbərin arzusu ilə deyil, Allahu təalanın əmri ilə olmasıdır. Buxari və Müslimin rəvayətlərində Peyğəmbərimiz Həzrəti Aişəyə belə buyurdu:

- Səni üç gecə yuxuda gördüm. Bir mələk ipək parçaya bürümüş “Bu sənin xanımındır” dedi. Mən də üzünü açdım və “Əgər Allah tərəfindən isə Cənab Haqq imza etsin” dedim. (Yəni, əgər yuxu Rəhmani isə Allahu təala müyəssər etsin, deməkdir.)

Rəsulullah əfəndimiz Mədinəyə hicrət etdiyi zaman ailəsini Məkkədə buraxmışdı. Mədinəni şərəfləndirincə Əbu Rəfii ilə azadlı köləsi Zeyd ibn Harisəni iki dəvə və başqa ehtiyacları almaq üçün 500 dirhəm xərcliklə Məkkəyə göndərdi.
Həzrəti Əbu Bəkir də Abdullah ibn Urəykiti iki dəvəni onların yanına qatıb xanımı Ümmi Ruman və qızı Həzrəti Aişə ilə bacısı Əsmanı dəvələrə mindirərək göndərməsini, oğlu Abdullaha məktub yazaraq əmr etdi. Həzrəti Aişə anası Ümmi Ruman və Rəsulullahın qızları karvan olaraq yola çıxdı. Qubeyd adlanan yerdə Həzrəti Zeyd 500 dirhəmlə üç dəvə daha satın aldı. Karvana Talha ibn Ubeydullah da qatıldı. Mina ərazisindən Bəyda deyilən yerə çatdıqları zaman Həzrəti Aişənin dəvəsi qaçdı. Həzrəti Aişə buyurdu ki:

“Dəvəm qaçdı. Mən dəvənin üstündə mahfənin içindəydim. Anam da yanımda idi. Anam, “Eyvah qızım, eyvah gəlinciyim” deyərək çırpınırdı. Allahu təala dəvələrimizi saxladı və bizi qurtardı. Nəhayət Mədinəyə gəldik. Mən Həzrəti Əbu Bəkirin ev əhli ilə birlikdə endim.”

(davamı sabah)