SÖHBƏT - Səfərdə ikən oruc tutmaq

Sual: Səfərdə olana da Ramazan orucu fərz mı?
Cavab: Bəli. Amma qəzaya buraxması caizdir.
Sual: Səfərdə oruc tutmaq lazım olmadığı halda, Ramazan orucunu tutan nafilə savabı mı alır?
Cavab: Səfəri olan Ramazan orucunu tutarsa fərz savabı alar.

Özürsüz oruc yeməməli

Sual: Davamlı şəhərlər arasında sürüçülük edənin oruc tutmaması günah olarmı?
Cavab: İşi axsadacaq çətinlik yoxsa Ramazanı şərifdə oruc tutmaq çox savabdır. Özürsüz oruc tutmamaq böyük günahdır. Hədis-i şərifdə buyuruldu ki: “Ramazanda bəhanəsiz bir gün oruc tutmayan, bunun yerinə bütün il boyu oruc tutsa, Ramazandakı o bir günkü savaba qovuşa bilməz.” (Tirmizi)
Bu halda, bir özür olmadan oruc yeməməli. Dini bir özrü olanın, orucunu qəzaya buraxması caiz olar. Səfərdə çətinlik olar, iş axsayar və ya qəzaya səbəb olacaq bir vəziyyət olarsa, qəzaya buraxmaq caiz olar. Hədis-i şərifdə, “Səfərdə (çətinlik içində) oruc tutmaq, təqva deyil” buyuruldu. (Buxari) (Səfər və ya səfəri demək, 104 kmdən uzaq yerə getmək üzrə yola çıxmaqdır. Bunlardan daha qısa yola gedən səfəri olmaz. Burada təqva daha çox savab qazanmaq mənasındadır.)

Səfəri ikən oruc
Sual: İmsak vaxtından sonra səfərə çıxdığımız üçün oruca niyyət etmiş oluruq. Yəni o gün səfərdə də olsa oruc tutmaq lazımdır. Ancaq, məsələn, səhər 11də ABŞ-a getmək üzrə təyyarəyə minirik Davamlı Qərbə getdiyimiz üçün gün Nyu Yorka gedərkən 7 saat, Los Ancelesə gedərkən də 10 saat uzanır. Bu vəziyyətdə nə etmək lazım?
Cavab: Oruc tuta bilinərsə savab qazanar, aclıq və susuzluğa dözə bilməyib pozsa günah olmaz. Səfərdə ikən, orucu özrüsüz pozana kəffarə lazım deyil.