İtikaf nədir, qadınlar necə edər?

Sual: İtikaf nədir? Qadınlar evdə itikafa girə bilər mi?

Cavab: Ramazan ayının son on günündə gecə-gündüz bir məsciddə bağlanıb ibadət etməyə itikaf deyilir. Ramazanı şərifdə itikaf müəkkəd sünnədir. Ancaq itikaf sünnəti kifayə olduğu üçün bir məhəllədə bir neçə adam itikafa girsə digərlərinin bu sünnəti etməsi lazım deyil. İmkanı olanlar itikafa girməli. Itikaf edən, məsciddə yeyib içər, yatar. Dəstəmaz üçün çölə çıxa bilər. Bir neçə hədisi-şərif: “İtikâfta olan günahlardan uzaqlaşar hər yaxşılığı işləmiş kimi savaba qovuşar.” (İbni Macə) “Bir dəvənin iki sağımı qədər itikaf edən bir kölə azad etmiş kimi savab qazanar.” (Tenvir) “Ramazanda on gün itikaf edən iki dəfə (nafilə) həcc etmiş kimi savab qazanar.” (Beyheki) “Allah rizası üçün bir gün itikaf, insanı Cəhənnəmdən çox uzaqlaşdırar.” (Taberani)

Sünnət iki cürdür: Sünnəti-Xuda və sünnəti-zəvaid. Məsciddə itikaf etmək, azan oxumaq, iqamət gətirmək və camaatla namaz qılmaq sünnəti-Xudadır. Bunlar İslam dininin şüarıdır. Bu ümmətə məxsusdur. (Hadikat-ün-nediyyə)
Rəsulullah əfəndimiz “Mirac gecəsi beşinci göydə Osmanın surətini gördüm. Bu mərtəbəyə nə ilə catdı, dedim. Məsciddə itikaf etməklə deyə cavab verdi” buyurdu. (M. Cihar Yari Güzin)

Itikaf, oruc, namaz kimi əhd olunur. “Xəstəm yaxşı olsa, itikafa girəcəyəm” deyilməz. “Xəstəm yaxşı olsa, Allah rizası üçün, bu qədər gün itikafa girəcəyəm” demək əhd olar. (Səadəti Əbədiyyə)

Itikaf kimi başlı başına ibadət olan bir şeyi nəzr edənin bunu yerinə yetirməsi lazımdır. (Dürər)

Qadınlar məsciddə itikaf etməz. Evdə isə şərtə bağlıdır. Əgər məscid olaraq istifadə etdiyi bir otaq varsa, o otaqda itikafa girə bilər. Yemək pişirmək, təmizlik kimi ev işlərinin heç biri edilməz. Yalnız ibadətlə məşğul olar. Dəstəmaz kimi zəruri işləri etməyin zərəri olmaz.

Ramazanın son on günündə olanı sünnəti-kifayədir. Az itikaf da edilə bilər. Bir gün və ya bir neçə saat kimi ... Itikafa girənin oruclu olması şərtdir. Yalnız Şafiidə oruclu olma şərti yoxdur. Digər üç məzhəbdə oruclu olmaq şərtdir. İmkanı olan qadınların evdə itikafa girməsi, unudulmuş bu sünnəti ihya etməsi və sünnəti ihya etmə savabına qovuşmaları çox yaxşı olar.