Şəvval ayının birinci günü fıtr, yəni Ramazan bayramının, Zilhiccənin onuncu günü isə, Qurban bayramının birinci günləridir. Bu iki gündə günəş doğduqdan və kərahət vaxtı (haram vaxt) çıxdıqdan sonra iki rükət bayram namazı qılmaq kişilərə vacibdir. Bayram namazlarının şərtləri Cümə namazının şərtləri kimidir. Lakin burada xütbə sünnətdir və namazdan sonra oxunur. Ramazan bayramında namazdan öncə şirin [xurma və ya şəkər] yemək, qüsl etmək, misvak istifadə etmək, ən yaxşı paltarları geyinmək, fitrəni namazdan əvvəl vermək, yolda yavasça təkbir oxumaq müstəhəbdir. Qurban bayramı namazından əvvəl bir sey yeməmək, namazdan sonra ilk olaraq qurban əti yemək, namaza gedərkən yüksək səslə, üzrü olan yavasça təkbir gətirmək müstəhəbdir. Bayram namazları iki rükətdir. Camaat ilə qılınır, tək qılınmaz.

Fasiq olan, günah işləməmizə səbəb olacaq qohumu ziyarət lazım deyil. Lakin saleh olan qohumu ziyarət lazımdır. Saleh yoldaşları ziyarət də çox savabdır. Ziyarət, tək Allah rizası üçün olmalıdır.

Hədisi-şəriflərdə buyuruldu ki:
“Bir kimsə, kənddəki yoldaşını ziyarətə gedər. Haqq təala, buna bir mələk göndərər. Mələk o adama deyər ki:
- Belə hara gedirsən?
- Bu kənddə bir yoldaşım var. Onu ziyarətə gedirəm.
- Bunun sənə bir yaxşılığı, bir köməyi toxundu da onun üçünmü gedirsən?
- Xeyr, sırf Allah rizası üçün ziyarətinə gedirəm.
- Müjdələr olsun sənə! Məni Allahu təala göndərdi. Heç bir qarşılıq gözləmədən yoldaşını ziyarətə getdiyin üçün Allahu təalanın sevgisinə məzhər oldun.” [Hakim]

“Bir din qardaşını ziyarət edənə bir mələk, “Nə xoşbəxt sənə, Cənnətə girmiş oldun” deyər. Haqq təala da buyurar ki: “Mənim üçün ziyarət edən quluma, Cənnətdə xoşlanacağı mükafatlar verəcəyəm”” [Bəzzar]