SÖHBƏT - Şəvval ayında oruc

Sual: Ramazandan sonra Şəvval ayında oruc tutmanın əhəmiyyəti nədir?

Cavab: Hər zaman oruc tutmaq savabdır. Hədis-i şərifdə, “Oruc, Cəhənnəm atəşindən qoruyan bir qalxandır” buyuruldu.(Buxari)

Şəvval ayında tutulan orucun çox savabı vardır. Üç hədisi-şərif tərcüməsi belədir:

”Ramazandan sonra Şəvval ayında da 6 gün oruc tutan, anasından doğulduğu günkü kimi günahsız olar.” (Taberani)
”Ramazan orucuyla Şevvalda 6 gün oruc tutan, bir il oruc tutmuş sayılar.” (İbni Macə)
”Ramazan ayı orucu on aya, Ramazandan sonra tutulan 6 gün oruc da iki aya müqabil olar ki, beləcə bir il oruc tutma savabına qovuşuruq.” (İbni Huzeymə)
Bu 6 gün orucun bayramdan sonra dərhal tutulması yaxşıdır. Aralıqlı tutmaq da caizdir. Qəzaya niyyət edərək tutmalı. Qəza oruclarını, bazar ertəsi və cümə axşamı günləri tutmaq daha yaxşıdır. Üç hədisi-şərif tərcüməsi belədir: ”Əməllər, bazar ertəsi və cümə axşamı günləri ərz olunur. Mən də əməlimin oruclu ikən ərz olunmasını istəyirəm.” (Tirmizi) ”Bazar ertəsi və cümə axşamı, günahların bağışlandığı gün olduğu üçün oruc tuturam.” (Müslim) ”Cənnətin qapıları bazar ertəsi və cümə axşamı günləri açılır.” (Müslim)
Bütün il oruc tutmuş olmaq
Sual: Ən az birə on savab verildiyi üçün, bir ay ramazanda oruc tutan 300 gün, Şəvval də 6 gün oruc tutan 60 gün oruc tutmuş kimi olacağı, yəni bütün il oruc tutmuş sayılacağı deyilir. Fərz olan ramazan orucuyla nafilə olan şəvval orucu eyni tərəziyə necə qoyulur?
Cavab: Hər ay üç gün oruc tutanın da, bütün il oruc tutmuş kimi sayılacağı kitablarda bildirilir. Burada fərz olan ramazan orucuyla nafilə oruc müqayisə edilmir. Bütün il oruc tutmuş olduğu deyil, hökmen oruclu kimi sayılacağı bildirilir. Yoxsa ömür boyu nafilə oruc tutularsa, ramazan-şərifdə tutulan bir gün orucun savabına qovuşa bilməz. Bəhanəsiz ramazan-şərifdə bir gün oruc tutmayan, ömür boyu nafilə oruc tutsa, Ramazandakı bir günün savabına qovuşa bilməz. Hətta Ramazandakı fərz orucunu qəza etdikdən sonra, yenə hər gün oruc tutsa, ramazan-şərifdə tutulan bir gün orucun savabına qovuşa bilməz. Qəza etdikdə təkcə borcdan xilas olar. Ramazanda tutmuş kimi savab qazana bilməz. Bir hədisi-şərif tərcüməsi: “Ramazanda bir gün oruc tutmayan onun yerinə bütün il oruc tutsa, o bir günkü savaba qovuşa bilməz.” (Tirmizi)