BƏSMƏLƏNİN FƏZİLƏTİ (1)

İlk yazılan, Bəsmələdir. Adəm əleyhissalama ilk gələn, Bəsmələdir. Möminlər, Bəsmələ köməyi ilə, Sırattan keçər. Cənnət dəvətnaməsinin imzası Bəsmələdir. Peyğəmbər əfəndimiz, (Müəllim uşağa, Bəsmələ oxutsa, uşaq da söyləyincə, Allahu təala, uşağın, anasının, atasının, müəlliminin Cəhənnəmə girməməsi üçün sənəd yazdırar) buyurdu.

Əuzü oxumaq, (Əuzü billah minəş-şeytanirracim); bəsmələ oxumaq isə, (Bismilləhir-rahmənir-rahim) deməkdir.

Hədisi şərifdə, “Qurani Kərimə hörmət göstərmək, Əuzü oxuyaraq başlamaqla olar və Qurani Kərimin açarı, Bəsmələdir” buyuruldu. Surə oxuyarkən, Əuzü Bəsmələ oxunar. Ayəti-kərimə oxuyarkən, alimlərin çoxuna görə, tək Əuzü oxunar. Surə və ya ayə oxumağa başlarkən Əuzü oxumaq vacib, Fatihə oxumağa başlayarkən Bəsmələ oxumaq da vacibdir. Digər surələrə başlayarkən Bəsmələ oxumaq sünnətdir.

Namazda, Sübhanəkə oxuduqdan sonra Əuzü Bəsmələ oxumaq sünnətdir. Allahu təala, “Qurani Kərim oxuyacağın zaman Əuzü... söylə” buyurur. (Nəhl 98)

Qəti haram olduğu bilinən bir şeyi, məsələn, şərab içərkən və ya donuz əti yeyərkən Bəsmələ çəkmək küfrdür.

Yaxşı işlərə Bəsmələ ilə başlamalıdır! Hədisi-şəriflərdə buyuruldu ki:

“Bəsmələ ilə başlanmayan hər əhəmiyyətli iş nöqsan qalar.” [Beyheki]

“Evə girərkən Bəsmələ çəkilsə, şeytan, "Bu evə girə bilmərəm" deyər, dönüb gedər.” [Tibyan]

“Əməl dəftərində 700 Bəsmələ olanı Allahu təala Cəhənnəmdən çıxarar.” [Tərgibussalat]