UŞR

Sual: Buğdanın uşrunu, başqa ilin buğdasından vermək caizdir?
Cavab: Bəli. Undan da vermək caizdir.
Sual: Zeytunun uşrunu, zeytun yağı olaraq vermək caizdir?
Cavab: Bəli.
Sual: Mal sahibi ilə icarəçi eyni məhsul almışsa, uşru kim verər?
Cavab: Yarı yarıya verərlər.
Sual: Ehtiyac üçün yetişdirilən tərəvəzin uşru olur?
Cavab: Olmaz.
Sual: Ortaq tarladan çıxan məhsulun yarısının uşrunu veririk. Digər yarısını o biri ortaq verməzsə bizə də günah olarmı?
Cavab: Ortağı da razı edib hamısının uşrunu verməli. Razı olmazsa, yarısının uşru verilər. Razı olmayanla ortaq olmamalı.
Sual: Fermerin zəkatı buğda ilə verməsi fərzmi, pul ilə verə bilməzmi?
Cavab: Buğdanın zəkatına uşr deyilir. Buğdanın uşru ya buğda olaraq verilər və ya dəyəri qızıl olaraq verilər.
Sual: Ata malının uşrunu vermir. Oğlu da onu bu günahdan qurtarmaq üçün ona belə deyir: “Sən uşrunu ver, onun məbləği qədər mən sənə pul verəcəyəm”. Bu vəziyyətdə fiqhi hökm nədir?
Cavab: Atan uşrunu vermiş olar.
Sual: Odun, ot, saman üçün uşr verilərmi?
Cavab:Verilməz.
RƏVAYƏT BAYQUŞUN HEKAYƏSİ
Həyat-ül heyvan kitabında bildirilir ki: Süleyman əleyhissəlam bütün heyvanlarla danışardı. Bu onun möcüzələrindən biri idi. Göydə taxtı ilə gəzərdi. Bir gün bayquş Süleyman əleyhissəlama salam verdi. Süleyman əleyhissəlam salamını alıb ona soruşdu ki:
- Nə üçün buğda yeməzsən?
- Adəm əleyhissəlam ona görə Cənnətdən çıxdığı üçün.
- Nə üçün su içməzsən?
- Nuh əleyhissəlamın qövmü suda boğulduğu üçün.
- Nə üçün həmişə xarabalarda olursan?
- Xarabalar Allahü təalanın mirasıdır.
- Nə üçün evlərdə ötərsən?
- İnsanları xəbərdarlıq üçün. Önlərində şiddətli təhlükələr var ikən necə qəflətlə yatarlar. Belələrinə təəssüflər olsun!
- Gündüzləri nə üçün çıxmazsan?
- İnsanlar mənə zərər verə bilərlər.
- Ötərkən nə deyərsən?
- Təsbeh oxuyuram və bir də "Ey qafillər, çıxacağınız uzun səfər üçün azuqə hazırlayın!" deyərəm.
Süleyman əleyhissəlam bayquşdan daha nəsihətçi quş olmadığını söylədi. (Bərika)