Haram maddəndən dərman kimi istifadə etmək

Sual: Xəstəlik üçün, haram olan bir şeyi yemək və ya istifadə etmək caiz olar?

Cavab: İbni Abidin həzrətləri buyurur ki: “Haram olan şeylərdən dərman olaraq istifadə edilməsi, bunun xəstəyə yaxşı gələcəyi bilinərsə və halal olan dərman tapıla bilməzsə, caiz olar. Şəfa olduğu təcrübə edilən maddələr dərman kimi halal olar. Haram olan bir şeyin xəstəyə yaxşı gələcəyinin bilinməsi mütəxəssis olan müsəlman bir həkimin söyləməsi ilə aydın olar. Hədisi-şərifdə buyuruldu ki: “Allahu təala, haram olan şeylərdə sizə şəfa yaratmamışdır” (Buxari) Təsirli olduğu təcrübə ilə bilinən haram maddələrdən, zərurət halında dərman kimi istifadə etmək haram olmaz. (Rədd-ül Muxtar) “Zərurətlər haramları mübah qılar” qaydasına görə, bir xəstəliyi müalicə üçün haram bir şeydən istifadə etmək, yedirtmək, içirtmək lazım gələrsə, bu haram şey mübah olur. Xəstə, haram olan şeyi deyil, mübah olan şeydən istifadə etmiş olur. Yəni? haram mübah hala gəlir, şəfa mübah maddə ilə təmin edilir. Bunu bir misalla açıqlayaq: Böyrəklərdəki daşı əridəcək, heç bir dərman tapılmazsa, müsəlman bir həkim də haram bir maddə ilə müalicəni tövsiyə etmiş isə, dərman olmadığı üçün haram maddədən istifadə etmə zərurəti hasil olmuşdur. Zərurətlər haramları mübah qılacağından haram maddədən istifadə etmək mübah olacaqdır. Xəstə şəfa taparsa, mübah sayəsində tapmış olacaqdır. Haram olan maddə sayəsində şəfa tapmış olmayacaqdır. Bu xüsus yaxşıca aydın olanda haram maddədən mübah hala gəldikdən sonra istifadə edilməsi “Haramda şəfa yoxdur” hədisi-şərifinə zidd olmaz.

Sual: Həkim, dəridəki xəstəliyim üçün başqa təsirli bir dərman olmadığını, ilan yağı sürmək lazım olduğunu söylədi. Bu caizdir?
Cavab: Saleh həkim lüzum görmüşsə caizdir. Namaz qılmadan əvvəl yumaq lazımdır.
Sual: Donuz insulinindən olduğu kimi inək insulinindən də dərman düzəldən firmalar varmış. Fəqət inək insulinin təsiri çox azmış. Şəkər xəstəsi olan uşağım üçün donuz insulinindən edilən dərmandan istifadə etməyim uyğun olar?
Cavab: Təsirli başqa dərman olmazsa caiz olar.
Sual: Spirt, qan kimi haram olan bir maddəni müalicədə istifadə etmək caizdir?
Cavab: Namaz qılan və o mövzuda təcrübəsi olan saleh bir həkim, “Təcrübələrimlə bilirəm ki, bu xəstəliyin bu haram maddələrdən başqa təsirli mübah dərmanı yoxdur” deyərsə, o zaman haram olan bu maddələrindən müalicə məqsədi ilə istifadə etmək caiz olar.
(davamı sabah)