Haram maddəndən dərman kimi istifadə etmək

Sual: Bir ateist, “Yaponlar, ilan, kirpi, köstəbək, çəyirtkə nə taparsalar yeyərlər və ac qalmazlar. Müsəlmanlıqda çox şey haram olduğu üçün, bir müsəlman dağda, səhrada, dənizdə qalsa bir şey yeyə bilməyəcəyi üçün aclıqdan ölər” deyərək Müsəlmanlığı pisləyir. Ac qalanda bunları yemək dinimizdə caiz deyil?

Cavab: Dinimizdə, “Zərurətlər haramları mübah qılar” hökmü vardır. Halal bir şey tapa bilməyən kimsənin, aclıqdan ölmə təhlükəsi varsa, haram olan heyvan ətlərini yeməsi mübah olar. Dənizdə qalan bir adam balıq tapa bilməzsə, dəniz heyvanlarının hamısı digər üç haqq məzhəbdə halaldır. Dənizdə nə taparsa yeyə bilər. Ehtiyac olanda digər məzhəblərin hökmü ilə əməl edilər. Çəyirtkə onsuzda Hənəfi məzhəbində də halaldır. Kirpi isə Maliki və Şafii məzhəbində halaldır. Ehtiyac olanda bu iki məzhəbdən biri təqlid edilərək yeyilir. İlan və köstəbək Maliki məzhəbində boğazlanaraq kəsilərsə halaldır. Ehtiyac olanda Maliki məzhəbinin qövlünə uyğun olaraq yeyilər. (Mizan) Leş dörd məzhəbdə də haramdır. Ancaq ac qalan ölməyəcək qədər yeyə bilər. Yəni “Müsəlmanlıqda çarəsi yoxdur” demək səhvdir. Ateistin dedikləri dinimizə kölgə edə bilməz.

Döymə etdirmək
Sual: Döymə etdirmək günahdır?
Cavab: Bəli günahdır.
Sual: Qalıcı döymə etdirənin nə etməsi lazımdır? Dəstəmaz və ya qüslə mane olar?

Cavab: Döymə etdirmənin caiz olmadığı, hədisi-şərif ilə bildirilmişdir. Etdirənin tövbə etməsi və bir daha etdirməməsi lazımdır. Döymə, dəri üstündə bir təbəqə meydana gətirməyib, dəri altından edildiyi üçün qüslə və dəstəmaza mane olmaz. Dəri üstünə edilmiş olsa da, asanca çıxarma imkanı yoxsa, yenə dəstəmaza və qüslə mane olmaz.
Sual: Bir yolda, “Döymə etdirmənin günah olduğu deyilir. Mən məal oxudum. Quranda belə bir şey görə bilmədim” deyir. Döymə etdirmək günah deyil?

Cavab: Bəli günahdır. Hər şeyi Quranda tapmaq çətindir. Səhihi-Müslimdə bildirilir ki: İbni Məsud həzrətləri, “Döymə edən və etdirən, parik taxan və taxdıranlara lənət olsun” məalindəki hədisi-şərifi rəvayət edəndə, Ümmü Yaqub adında qoca bir qadın etiraz edib, “Mən Quranın hamısını oxudum, amma belə bir lənət yox” dedi. Ibni Məsud həzrətləri “Diqqətli oxusaydın mütləq görərdin” deyərək bu məaldəki ayəti-kəriməni oxudu:

Bəli günahdır. Hər şeyi Quranda tapmaq çətindir. Səhihi Müslimdə bildirilir ki: “Rəsulullahın sizə verdiklərini alın, qadağan etdiklərindən çəkinin!” (Həşr 7)

Sual: Döymə etdirmənin caiz olmadığını bildirən hədisi-şərif varmı?

Cavab: Bir hədisi şərif-məali belədir: “Qaşlarını incəldən və döymə etdirən lənətlənmişdir.” (Əbu Davud)