ƏSHABİ KİRAM - Abbas ibn Abdülmuttalib

Peyğəmbərimizin əmisi. Həzrəti Abbas gənclik zamanında ticarətlə məşğul oldu və çox zəngin oldu. Qardaşlarının içində ən zəngini o idi. Böyük qardaşı Əbu Talibin isə maliyyə vəziyyəti yaxşı deyildi. Rəsulullah əfəndimizin təklidi ilə Əbu Talibin oğlu Uqaylın yetişməsinə kömək etdi və böyük qardaşının yükünü yüngülləşdirdi. Rəsulullah əfəndimiz İslamiyyəti anlatmağa başlayınca, Həzrəti Abbas ona qarşı çıxmayaraq, qohumluq şəfqətilə Peyğəmbər əfəndimizə kömək etdi və dəstək oldu.

Biz Onu qoruduq... Müsəlman olmadığı halda, Akabə biətində Peyğəmbər əfəndimizin yanında olub, orada təsirli çıxışlar etdi. Biət etmək üçün gələn Mədinəli müsəlmanlara belə xitab etdi: - Ey Mədinəlilər! Bu, qardaşımın oğludur. İnsanların içində ən çox sevdiyim Odur. Əgər, Onu təsdiq edib, Allahdan gətirdiklərinə inanar və özünüzlə alıb aparmaq istəyirsənizsə, məni inandıracaq möhkəm bir söz verməyiniz lazımdır. Bildiyiniz kimi, Muhamməd əleyhissəlam bizdəndir. Biz, Onu, Ona inanmayan kimsələrdən qoruduq. O, bizim aramızda izzət və şərəfi ilə qorunmuş olaraq yaşamaqdadır. Bütün bunlara baxmayaraq, hər kəsdən üz çevirmiş və sizinlə birlikdə getməyə qərar vermişdir. Əgər siz, bütün Ərəb qəbilələrinin birləşib, üzərinizə hücum etdiyində, onlara qarşı qoruyacaq qədər hərb gücünə sahibsəniz, bu işə qərar verin! Bu xüsusu aranızda yaxşıca görüşüb danışın. Sonradan ayrılığa düşməyin! Verdiyiniz sözdə dayanıb, Onu düşmənlərdən qoruya biləcəksinizmi? Bunu layiqincə edə bilərsəniz nə yaxşı. Yox, əgər Məkkədən çıxdıqdan sonra Onu tək buraxacaqsanızsa, indidən bu işdən imtina edin ki, yurdunda şərəfiylə qorunmuş halda yaşasın! Buna qarşılıq Mədinəli müsəlmanlar, “Biz, Rəsulullahı malımız və canımız bahasına qoruyacağıq. Biz, bu sözümüzdə sadiqik” dedilər və Rəsulullah əfəndimizə biət etdilər. Sonra Həzrəti Abbas belə dua etdi: - Allahım! Sən onların, qardaşım oğlu haqqında verdikləri sözü, Onu qorumaq üçün etdikləri andı eşidən və görənsən. Qardaşım oğlunu sənə əmanət edirəm, ya Rəbbi! Peyğəmbər əfəndimizin əmisi olan Həzrəti Abbas çox zəngin olub, çox səxavətli idi. İkram və ehsanları çox məşhur idi. Kasıbları, yoxsulları sevindirməyi çox sevərdi. Xüsusilə köləni satın alıb azad etməkdən çox məmnun olardı. Yetmişə qədər kölə azad etmişdir. Yaxın qohumlarını ziyarət etməyi, onların haqlarını himayəyə çox diqqət edərdi. Peyğəmbər əfəndimiz, onu çox sevərdi. Bir dəfə buyurdu ki: - Allahım, Abbası və oğullarını məğfirət et və bağışla! Elə ki, heç günahları qalmasın! Ya Rəbbi, onu və oğullarını meydana gələcək fəlakət və bəlalardan qoru!

(davamı sabah)