KEÇİ ƏTİNİN FAYDALARI

Soyuqluq verir. Keçi əti ilə təzə meyvələr, turşulu və s. yemək məsləhət görülmür. Altı aylıq çəpiş əti bədənə rütubət verir, lətifdir və qan təzyiqini yatırır. Keçi piyi sürtmək ağrıları sakitləşdirir, soyuqdəymə hallarında çox təsirlidir. Onun böyrəyini ortadan bölüb içinə kükürd tozu səpir, sonra yenə qatlayıb kabab bişirir və suyunu dəridəki çilləri təmizləmək üçün istifadə edirlər. Dörd illik təkəni üzüm yetişən zaman kəsir, ilk və sonuncu qanını axıdır, orta qanını daşdan hazırlanmış qaba tökürlər. Laxtalanıb bərkidikdən sonra onu xırda-xırda doğrayıb xəlbir və ya saman üzərində kölgə yerdə qurudurlar. Buna “yətulla” deyirlər. Bu vasitə böyrək və sidik kisəsi daşının tökülməsində çox təsirlidir. Çəpiş kəlləsinin dərisini soyan kimi isti-isti başa bələmək əsəb pozğunluğu və zehni qarışıqlıq hallarında çox faydalı hesab olunur.

Ev Çörəyi

Ərzaqlar: 3 st. un (200 q),1 st. ilıq su, 1 dolu ç.q. quru maya, 1 x.q. şəkər tozu, 1 ç.q. duz, 8 x.q. bitki yağı

Hazırlanması: Suda şəkər tozu və mayanı əridin. 15 dəqiqə, üzəri köpüklənincə gözləyin. Unu ələyin. Duzu unla qarışdırın. Suya bitki yağı, ardınca da un töküb yumşaq xəmir yoğurun. Üzərini dəsmalla örtüb isti yerə qoyun. 1 saat gəlməsini gözləyin. Sonra yenə yoğurun. Baton formasına salıb yağlanıb azca un səpilmiş, yaxud perqament döşənmiş siniyə qoyun. Daha bir saat şişməsini gözləyin. Üzərini iti bıçaqla bir neçə yerdən çərtin.

Sobaya içi su ilə dolu sini qoyun. Sobanı maksimum (təxminən 300 dərəcə) həddə qədər qızdırın. Çörəyi sobaya qoyub 10 dəqiqə bişirin. Sonra sobanın istiliyini 200 dərəcəyə qədər endirin və daha 15-20 dəqiqə, qızaranadək bişirin.