ƏSHABİ KİRAM - Osman Zinnureyn (I)

Mələklərin belə həya etdiyi xəlifə... Həzrəti Osman Müsəlman olmadan əvvəl ticarətlə məşğul olurdu. Zəngin bir tacir idi. Xalq arasında sevilən, sayılan bir kimsə idi. Etibarı yüksək idi. Həzrəti Əbu Bəkirin də yoldaşı, yaxın dostu idi. Əhəmiyyətli işlərini ona danışar, onun fikrini alardı. Cahiliyyə dövrünün pisliklərinə bulaşmadı.

Peyğəmbər qızı olsa gərək...Müsəlman olmasını belə danışır: - Mənim fərasət sahibi olan bir xalam vardı. Xəstələndiyim zaman ziyarətinə getmişdim. Mənə dedi ki: - Ey Osman! Sən elə biri ilə evlənəcəksən ki, nə o səndən əvvəl bir kişi görmüş olacaq, nə də sən ondan əvvəl bir qadın görmüş olacaqsan. Bu qız çox gözəl olub salehə biridir. Ayrıca bu qız Peyğəmbər qızı olsa gərək. Mən xalamın bu sözünə çox heyrət etdim. Çünki peyğəmbər olaraq bildiyim kimsə yoxdu. Heç ortada belə bir şey yox ikən, xalam bunları haradan çıxartmışdı. Bunu da bilirdim ki, xalam boş yerə söz deməz. Mənim heyrətlər içində ona baxdığımı görüncə söhbətinə belə davam etdi: - Narahat olma, O kimsəyə Cənabı-Haqdan vəhy gəlməyə başladı. Sən Onu tapmaqda çətinlik çəkməyəcəksən! Ey xalam, həmişə sirr olan şeylər söyləyirsən. Məni maraqlandırırsan. Sözlərinə bir az aydınlıq gətir.

- Muhamməd ibn Abdullaha peyğəmbərlik bildirildi. Artıq xalqı haqq dinə dəvətə başladı. Çox zaman keçməz ki, sən Onun dininə girib xilas olacaqsan. Onun dini bütün aləmi işıqlandıracaqdır. Bu məsələ mənim zehinimi çox məşğul etməyə başladı. Hər əhəmiyyətli məsələdə fikrini aldığım Həzrəti Əbu Bəkirə getdim. Xalamın söylədiklərini ona eynilə bildirdim. Mənə dedi ki:

- Xalan doğru söyləyib. Ya Osman, sən ağıllı adamsan. Heç görməyən, eşitməyən, fayda və ya zərər verməyən şeyə necə tapınırlar? O necə ilah olaraq qəbul edilər? Ya Əbu Bəkir, doğru söyləyirsən. Mən də bu məntiqsizliyin fərqindəyəm. Fəqət çarə tapa bilməmişdim. Narahat olma, artıq bizə haqq yolu göstərən şəxs gəldi. Mən onun peyğəmbər olduğuna inandım, iman etdim. Gəl səni də hüzuruna aparım, sən də iman et!

Cənnətə dəvət edər... Bərabər Rəsulullahın hüzuruna çatdıq. Mənə buyurdu ki: - Ya Osman, Haqq təala səni Cənnətdə qonaqlığa dəvət edir. Sən də bu dəvəti qəbul et! Mən bütün insanlara hidayət rəhbəri olaraq göndərildim.
Rəsulullahın gülərüzlə çox səmimi bir şəkildə etdiyi bu dəvət üzərinə dərhal böyük bir şövqlə kəlimeyi şəhadət gətirib Müsəlman oldum. Daha sonra Rəsulullaha Şama getdiyimdə gördüyüm yuxunu anlatdım. Yuxumda, “Ey insanlar, oyanın! Əhməd Məkkədə zühur etdi” deyə səs eşitmişdim. Sonra da Məkkəyə gəlincə də, xalam mənə Rəsulullah əfəndimizdən xəbər vermişdi.
(davamı sabah)