ƏSHABİ KİRAM - Osman Zinnureyn (II)

Həzrəti Osman çox comərd idi. Yaxşılıq etməyi, möhtac kimsələrin ehtiyaclarını görməyi çox sevərdi. Gözəl hallarına görə Rəsulullah əfəndimiz onu çox sevərdi. Peyğəmbər əfəndimiz Əshabının irəli gələnlərinin çoxunun olduğu bir görüşmədə, söhbət buyurarkən: - Hər kəs dostunun yanına getsin, buyurdu.

Sən mənim sevdiyimsən... Hər kəs sevdiyi yoldaşının yanına getdi. Peyğəmbər əfəndimiz də Həzrəti Osmanı yanına alıb buyurdu ki: - Sən, dünyada və axirətdə mənim sevdiyimsən.

Həzrəti Aişə buyurur: - Rəsulullah əfəndimiz bir gün istirahət edirdi. Bu sırada Həzrəti Əbu Bəkir içəri girmək üçün icazə istədi. İcazə verilib içəri girdi. Rəsulullah heç halını dəyişdirmədi. Sonra, Həzrəti Ömər icazə alıb içəri girdi. Yenə halını dəyişdirmədi. Uzanmış vəziyyətdə ikən onlarla söhbət etdilər. Daha sonra Həzrəti Osman qapıya gəlib içəri girmək üçün icazə istədi. Peyğəmbər əfəndimiz qalxıb oturdular. Həzrəti Osmanı bu şəkildə qəbul etdilər. Hamısı getdikdən sonra soruşdum:

- Atam Əbu Bəkir və Həzrəti Ömər içəri girdiklərində heç halınızı pozmadınız. Amma Həzrəti Osman içəri girən kimi oturdunuz. Bunun səbəbi nədir? Mələklərin həya etdikləri bir kimsədən mən necə həya etməyim.

Xəlifəliyi zamanında ədalət ilə davranmağa çox diqqət edərdi. Bir gün bir gəncin qulağını çəkdi. Gəncin qulağı ağrıdı və belə dedi: - Əfəndim, hər kəsin bir-birindən haqqını alacağı qiyamət gününü düşünün.

Mənim qulağımı çək... Bu söz Həzrəti Osmana çox təsir etdi. Buyurdu ki: - Ey gənc, sən də mənim qulağımı çək, ödəşək. Gənc Həzrəti Osmanın qulağını çəkdi. Həzrəti Osman: - Bir az daha çək, buyurunca, gənc dedi ki: - Siz Qiyamət gününü düşünərək qorxdunuz. Mən də o günkü hesabdan qorxuram.

Həzrəti Osman buyurdu ki: - On şey hədər olmuşdur: Sual soruşulmayan alim, əməl edilməyən elm, qəbul edilməyən doğru fikir, istifadə edilməyən silah, içində namaz qılınmayan məscid, oxunmayan mushaf, Allah yolunda paylanmayan mal, minilməyən vasitə, dünyanı istəyənin içindəki zühd (halalların artığını tərk etmək) elmi, içində axirət yolçuluğu üçün azuqə yığılmayan uzun ömür.

Həzrəti Osman zamanında İslam dünyası çox genişləndi. Bütün Ərəbistanı, Afrikanın böyük bir qismi, İraq, Hindistan, Çin, Buxara, Türküstan, İran İslamın idarəsi altına girdi. İslam bayrağı İstanbul divarları önünə qədər aparıldı. Fəth edilən yerlərdəki xalq sevə-sevə Müsəlman olurdu. Beləcə Müsəlmanları sayı milyonlarca oldu. Müsəlmanların bu qədər çoxalması, hər millətdən insanın olması səbəbiylə, qarışıqlıqlar da baş göstərməyə başladı. Münafiqlər Müsəlmanların arasına fitnə toxumları əkməyə başladılar.

(davamı sabah)