NAMAZ QILMAQ

“Niməti-islam”da deyilir ki, ağıllı və həddi-buluğa çatmış hər müsəlmanın hər gün beş vaxt namaz qılması fərzdir. Heç kim başqasının yerinə namaz qıla bilməz. Bir şəxs qıldığı namazın və başqa ibadətlərinin savabını [diri və ya ölü] başqalarına hədiyyə edə bilər. [özünə verilən savab qədər onların hər birinə də savab verilir. Öz savabı azalmır.] Borclu olduğu adamın haqqını bağışlaması üçün namaz qılıb savabını ona göndərmək caiz deyildir. Namazın fərz olduğuna inanıb, üzrlü səbəb olmadığı halda tənbəllik edərək namaz qılmayan kafir olmaz, fasiq olar. [bunların, bir namaz üçün Cəhənnəmdə yetmiş min il yanacağı bildirildi.] Uşaq yeddi yaşına gəldikdə namaz qılması əmr olunur. On yaşına çatdıqda namaz qılmazsa əl ilə döyülür. Üç dəfədən artıq vurmaq olmaz. Dəyənək ilə də döyülə bilməz. [heç bir canlının başına, üzünə, sinəsinə, qarnına vurmaq caiz deyildir.] Xəstənin də gücü çatdığı qədər namaz qılması fərzdir.

RƏVAYƏT

Nuh əleyhissəlam zamanında insanların ömürləri uzun imiş, 800-1000 il yaşayarlarmış. Bir qadının oğlu ölür. Qadın çox ağlayır. Qonşu qadınlardan biri gəlib deyir ki:

- Niyə bu qədər ağlayırsan? Allahü təalanın təqdiri belə imiş.
- Əlbəttə elədir, mən ona ağlamıram.
- Bəs niyə ağlayırsan?
Oğlum çox gün görmədi deyə, analıq şəfqətilə ağlayıram.
- Oğlun neçə yaşında idi?
- 275 yaşında idi.
- Yaxşı, sən buna ağlayırsan, amma axır zamanda gələn ümmət nə etsin, ömürləri 50-60 il olacaq.
- Ciddi deyirsən?
- Əlbəttə.
- Allah Allah, onlar ev də tikəcəklər?
- Həm də nə qədər.
- Mən onların yerinə olsaydım çadırımın payasını belə dəyişməzdim.