ƏSHABİ KİRAM - Ömər-Ül Faruq

Cəbrayıl əelyhissəlam daha əvvəl Ömər ibn Xattabın iman etmək üçün gəldiyini və yolda olduğunu xəbər vermişdi. Rəsulullah əfəndimiz onu təbəssüm ilə qarşıladı. Ömər ibn Xattab Rəsulullahın qarşısında diz çökdü. Rəsulullah əfəndimiz onu qolundan tutub buyurdu ki: İmana gəl, ya Ömər! O da təmiz qəlb ilə Kəlimeyi şəhadəti söylədi. Əshabı-kiramın sevincdən söylədikləri təkbir səsləri göyə yüksəldi. Həzrəti Ömər Müsəlman olduqdan sonrakı halını belə anlatdı: “Müsəlman olduğum zaman Əshabı-kiram müşriklərdən gizlənər və ibadətlərini gizli edərdilər. Bu vəziyyətə çox kədərləndim və Rəsulullaha sual etdim: Ya Rəsulallah! Biz haqq üzrə deyilikmi? Bəli. Allahu təalaya and içərəm ki, istər ölü istər diri olun, şübhəsiz haqq üzərindəsən. Ya Rəsulallah! Madam ki, biz haqq üzərində müşriklər də batil yoldadırlar, o halda nə deyə dinimizi gizləyirik? Vallah biz İslam dinini küfrə qarşı açıqlamaya daha haqlı və daha layiqik. Allahu təalanın dini Məkkədə heç şübhəsiz üstün gələcəkdir. Qövmümüz bizə qarşı insaflı davranarlarsa nə yaxşı, yox azğınlıq etmək istəsələr onlarla döyüşərik. Ya Rəsulallah! Səni haqq Peyğəmbər olaraq göndərən Allahu təalaya and içirəm ki, heç çəkinmədən və qorxmadan, oturub İslamı anlatmadığım bir müşrik birliyi qalmayacaqdır. Artıq ortaya çıxaq. Qəbul buyurulunca iki səf halında çölə çıxıb Hərəmi-şərifə doğru getdik. Səflərin birinin başında Həmzə, digərinin başında da mən vardım. Sərt addımlarla torpağı un edər kimi, Məscidi-harama girdik. Qureyşli müşriklər, bir mənə, bir Həzrəti Həmzəyə baxdılar.” Məni bilən bilər... Həzrəti Ömərin bu gəlişi üzərinə Əbu Cəhl irəli çıxıb, “Ya Ömər! Bu nə haldır?” dedikdə, Həzrəti Ömər heç diqqət etmədən Kəlimeyi-şəhadət gətirdi: Əşhədu ən la ilahə illəllah və əşhədu ənnə Muhammədən abduhu və Rəsuluh! Əbu Cəhl nə deyəcəyini bilmədi. Donub qaldı. Həzrəti Ömər bu müşrik qövmə dönərək dedi ki: Ey Qureyş! Məni, bilən bilir! Bilməyən bilsin ki, mən Xattaboğlu Ömərəm. Arvadını dul, uşaqlarını yetim buraxmaq istəyən yerindən tərpənsin! Tərpənəni qılıncımla doğrayıb yerə sərərəm! Bunun üzərinə Qureyşlı müşriklər bir anda dağılıb oradan uzaqlaşdılar. Beləcə, ilk dəfə Hərəmi-şərifdə açıqda namaz qılındı.

Hədisi şəriflər
”Hər şeyin təməli vardır. Müsəlmanlığın təməli əshab və ehli beytimi sevməkdir.” (İ.Neccar)

“Əshabımın heç birinə dil uzatmayın. Onların şanlarına yaraşmayan bir şey söyləməyin! Allaha and içərəmki, bir kimsə, Uhud dağı qədər qızıl sədəqə versə, əshabımdan birinin bir ovuç arpası qədər savab ala bilməz.” (Buxari, Əbu Davud, Bəgavi)