DUANIN ÖNƏMİ VƏ MÜXTƏLİF DUALAR.

Dua Allaha yalvararaq muradını istəməkdir. Allahü təala dua edəni sevər, dua etməyənə qəzəb edər. Dua möminin silahı, dinin təməl dirəklərindən biridir. Yerləri, göyləri aydınladan nurdur. Dua gəlmiş olan bəlaları aparar. Gəlməmiş olanların da gəlməsinə mane olur. Allahü təala “Mənə xalis qəlb ilə dua edin” Belə duaları qəbul edərəm” buyurdu. Bunun üçün dua etmək namaz, oruc kimi ibadətdir. Yenə “Mənə ibadət etmək istəməyənləri zəlil və alçaq edib, Cəhənnəmə ataram” buyurur. (Mömin 60)

Allahü təala hər şeyi səbəb ilə yaratmış, nemətlərini səbəblərin arxasından göndərmişdir. Zərərləri, dərdləri dəf üçün və faydalı şeyləri vermək üçün də dua etməyi səbəb etmişdir. Hədisi-şəriflərdə buyuruldu ki:

“Dua ibadətin əsli və özüdür. Allah qatında duadan məqbul bir şey yoxdur. Dua 70 cür qəzanın qarşısını alar. Ömrün bərəkətini artırar” (Tirmizi)

“Dua edən üç şeydən məhrum deyildir: Ya günahı bağışlanar və ya dərhal xeyirli qarşılığı görər, və yaxud axirətdə mükafatını tapar” (Deyləmi)

“Rəbbiniz əlbəttə həya və kərəm sahibidir. Qulları əllərini qaldırıb bir şey istədikləri zaman, onların əllərini boş çevirməkdən həya edər) (Əbu Davud)

MÜSƏLMANA BƏDDUA

Hədisi-şərifdə, “Özünüzə, övladınıza pis dua etməyin. Allahın təqdirinə razı olun. Nemətlərinin artırılması üçün dua edin” və “Ananın, atanın övladına, məzlumun zalıma olan bədduaları rədd olunmaz” buyuruldu. Bir müsəlmanın kafir olması üçün dua edənin özü kafir olar. Bir zalımın kafir olaraq ölməsini, sonsuz əzab çəkməsini istəmək küfr olmaz. Musa əleyhissəlam belə dua etdiyi Quranı-kərimdə bildirmişdir. İmamı-azam Əbu Hənifə “rahimə-hullahü təalə”, başqasının kafir olmasını istəmək küfr olar, buyurdu. Zalımdan başqasına bəddua etmək haramdır. Zalıma zülmü qədər bəddua etmək caiz olar. Caiz olan bir şeyin miqdarı, üzrün miqdarı qədər olar. Zalıma da bəddua etməmək, səbir etmək və hətta əfv etmək daha yaxşıdır. Zimmiyə və hər hansı bir kafirə Allah ömür versin demək caiz deyildir. Müsəlman olması üçün və ya cizyə verərək müsəlmanların qüvvətlənməsi üçün belə dua etmək caiz olar. Kafirə hörmət ilə salam verən kafir olar. Kafirə hörmət bildirən bir söz demək, məsələn, ustadım, demək küfr olar.