Hikmət əhli şəxslər buyurur ki (1)

Rəbbimizə həmd olsun ki, dinimizdən bizə bildirilməyən heç bir şey qalmadı. Deyilməsi lazım olan hər şey deyildi. Poçtalyonun vəzifəsi məktubu daşımaqdır. Məktublar bizə çatmışdır, lakin içindəkiləriylə əməl edib etməmək, bizim azad iradəmizə buraxılmışdır. Bəziləri bunu qəbul edər, səadətə çatar. Bəziləri qəbul etməz, fəlakətə gedər. Qurani-Kərim bir kitab, bir məktub. Bunu qəbul edənlər Cənnətə, qəbul etməyənlər Cəhənnəmə gedər.

Allahü təalaya dua edək, bizi haramlardan mühafizə etsin! Qeybət, dedi-qodu haramdır, böyük günahdır. Günahkarlar üçün atəş gözləyir. Belə bir vəziyyətə, belə bir fitnəyə düşməkdən Allah qorusun, çünki Peyğəmbər əfəndimiz, “Fitnə yuxudadır, oyandırana Allah lənət etsin” buyurur. Üç, beş gün sonra onsuz da hamımız öləcəyik. Ömrü bu günahlarla keçirməyə dəyməz. Kölə, vəzifəsini və həddini bilməli, önünə baxmalı, nə deyilirsə onu etməlidir.

Dua edək, Allaha dönək. Bir-birimizlə məşğul olmayaq. Namaz üçün, söhbət və başqa faydalı şeylər üçün birlikdə olmalıyıq. Araya dünya mənfəəti girsə çox təhlükəlidir. Peyğəmbər əfəndimiz, “İki Müsəlman bir araya gəlirsə, Allahdan və Peyğəmbərdən bəhs etməzsə, Allah onlara lənət edər” buyurur. Yaxşı, nə edəcəyik? Ya elmi-hal oxuyub dinimizi öyrənəcəyik, ya susacağıq, çünki başqa şeylərlə itirəcək vaxtımız yoxdur. Bu dünya fanidir. Bəli, qazanc yerimiz açıq, lakin itkin yerimizdən heç bəhs edən yox. Allahü təalanı xatırlamadan alıb-verdiyimiz hər nəfəsdən hesab soruşulacaq. O hesab günü, çox dəhşətli bir gündür. O günə hazırlanmaq şərtdir.

Aman yumşaq olaq, sərt olmayaq, bağışlayıcı olaq, kin tutmayaq. Allahü təalanın bizə necə rəftar etməsini istəyiriksə, biz də onun qullarına elə rəftar edək. Əgər biz Onun qullarına yaxşılıq etsək, Cənabı Haqdan yaxşılıq görərik. Əgər biz Onun qullarını qırıb yıxsaq, Allahü təala da bizi qırıb yıxar. Bağışlasaq, Onu bağışlayıcı görərik.