Aman yumşaq olaq, sərt olmayaq, bağışlayıcı olaq, kin tutmayaq. Allahü təalanın bizə necə rəftar etməsini istəyiriksə, biz də onun qullarına elə rəftar edək. Əgər biz Onun qullarına yaxşılıq etsək, Cənabı Haqdan yaxşılıq görərik. Əgər biz Onun qullarını qırıb yıxsaq, Allahü təala da bizi qırıb yıxar. Bağışlasaq, Onu bağışlayıcı görərik.

Dünya, ayrılıq dünyasıdır. Bu gün deyilsə sabah bir-birimizdən ayrılacağıq. Dua edək də, Müsəlman olaraq, imanla ölüb, axirətdə görüşək. Axirətdə görüşmək üçün də, bir-birimizi çox sevməliyik. Qüsurlarımızı, ayıblarımızı deyil də, yaxşı tərəflərimizi düşünməliyik. Bunu son fürsət bilməliyik. Allahü təalanın dininə xidmət üçün çalışmalıyıq. Hər kəsə doğru kitabları çatdırmalıyıq. Allahü təalanın dinindən bir söz öyrədənə və ya öyrədilməsinə səbəb olana yüz ümrə savabı verilər.

Gün bu gündür, fürsət bu fürsətdir. Sabaha çıxacağımız bəlli deyil. O halda, içində olduğumuz hər anı qiymətləndirməyə çalışmalıyıq.

Ay yer kürəsi ətrafında şərqə doğru hərəkət edərkən, dünya ilə Günəş arasına girib üçü də eyni xəttə gəlir. Bu hala, İçdima (Conjunction-Qovuşma) deyilir. Ayın Dünyaya baxan üzü Günəşdən işıq almayınca qaranlıq olar və görülməz. Bu vaxt təqvimimizdə hər ay üçün yazılmışdır.

Ay hərəkətinə davam edərkən, içdima halından 8° ayrılınca, Günəşin batışından sonra üfüqdən 5° yüksəkdə ikən hilal (aypara) halında görünə bilir. Bu yeni ayın ilk hilalıdır. Bu zaman Günəş hansı ölkədə batmaqda isə yalnız o meridian dərəcəsindəki və bunların qərbindəki ölkələrdə görünə bilər.

Məsələn; bu ilin Ramazan ayının içdima vaxtı 8 iyul Bazar ertəsi Azərbaycan vaxtına görə saat 13.14-dədir. Ramazan ayının hilalı Çərşənbə axşamı Azərbaycan vaxtına görə saat 03.51-də ilk dəfə Şimali Amerika qitəsinin şərqindən etibarən görülməyə başlayacaqdır.

Daha əvvəlki günlərdə görünməsi mümkün deyil. Bu səbəbdən Ramazan ayının 1-ci günü 9 iyul Çərşənbə axşamı günü olacaqdır.