SÖHBƏT - QADINA DƏYƏR VERMƏK

Dinimiz ailənin təməl daşı olan qadına çox dəyər vermiş, onu ən yüksək dərəcəyə çıxarmışdır. İslamiyyətin qadına verdiyi qiyməti heç bir din, heç bir düşüncə verməmişdir. Qadının kişilə bərabər olduğunu, kişinin bütün haqlarına malik olduğunu söyləyərək, qadına kişi işlərini etdirmək insafsızlıqdır. Ona etməyəcəyi işləri yükləmək ağır işlərdə işlətmək, qadına dəyər vermək deyil, ona zülm etmək olar.

Dinimizə görə, qadın işləmək məcburiyyətində də deyil. Kişi qohumundan, zəngin olanlar qadına baxmağa məcburdur. Yaxın qohumu yoxsa və ya kasıb isələr, (Beytül-mal) yəni dövlət hər cür ehtiyaclarını qarşılayar.

Evli isə, əri hər şeyi gətirmək, hər ehtiyacını görmək məcburiyyətindədir.

İslamiyyətdə qadın, dolanışıq dərdindən, düşüncəsindən xilas olmuşdur. O, işləməyə, çalışaraq pul qazanmağa məcbur deyil. Hər şey ayağına gələcəkdir onun. Çünki o qadındır.

Lakin qadının, islamiyyəti, dinini, imanını, fərzləri, ibadətləri, haramları öyrənməsi fərzdir. Atasının və ya ərinin, bu elmləri ona öyrətməsi lazımdır. Öyrətməzlərsə, böyük günaha girərlər. Qadının gedib çöldən öyrənməsi lazım olar. Dinimiz qadına çox dəyər verdiyi üçün, işlərini asanlaşdırmışdır onun. Qısacası qadının etmək məcburiyyətində olduğu iki işi var: Biri, dinin əmrlərinə uyğun gəlmək, biri də ərinin dinə uyğun əmrlərini yerinə yetirmək. Hamısı bu qədər.

Bu gün üçün beytül-mal olmadığına görə, baxacaq kimsəsi olmadığından qadın nə edəcək, deyə bir sual ağla gələ bilər.

Belə ki, məcburiyyət başqadır, əmr başqadır, icazə başqadır. Yəni, qadın işləməz deyilərkən, çalışması qadağandır, işləməməlidir demək deyildir... İşləmək məcburiyyətində deyil, deyilir. Yəni qadın işləmək üçün məcbur edilə bilməz... Elə isə, kimsəsi olmayan Müsəlman qadın, bu günki şərtlərdə, ticarət, fənn, sənət və əkinçilik ilə məşğul olmağa necə məcbur deyil isə, bunlarla məşğul olması, pul qazanması da, qadağan və günah deyil. Məsələn Xədicə-ül-kübra anamız əvvəllər ticarətlə məşğul olurdu... Katibləri, məmurları, xidmətçiləri çox idi. Hətta bir dəfə, sevimli Peyğəmbərimizi ticarət karvanına rəis, başçı təyin etmişdi.

Tək, qadın, yuxarıda saydığımız işlərlə məşğul olarkən və ya elm öyrənərkən, haramdan qətiliklə çəkinməsi lazım. Günah işləməməsi lazım. Məsələn, Müsəlman qadının başı, qolları, qıçları açıq olaraq küçəyə çıxması haramdır, günahdır. Hələ bir də buna əhəmiyyət verməzsə, diqqət etməzsə imanı gedər.