Gündəlik su ehtiyacı

Su, vücudumuzdakı bütün orqan, toxuma və oynaqların ən vacib və təməl mənbəyidir. Vücudumuzdakı hər orqanın varlığı suya bağlıdır. Vücudumuzun 75%-i sudan meydana gəlmişdir. Beynin 85%-i, qanın 90%-i, əzələnin 75%-i, böyrəklərin 82%-i və sümüklərin 22%-i sudur.

Vücudumuzdakı orqanlar və ifrazat bezləri yaxşı və təmiz su ilə bəslənməzsə sonda vəzifələrini yerinə yetirə bilməzlər.
Yetkin bir insan hər gün tərləmə, sidik və nəfəs yolu ilə təxminən 2,5 litr su itirər. Vücuddakı su nisbəti 5% düşən zaman problemlər meydana çıxmağa başlayar. Yetkin bir adamda bu əldən düşmə və rahatsızlıq olaraq özünü göstərər. Vücuddakı su itirmə uzun müddət davam edərsə, yaşlanmaq və xəstəlik riski getdikcə artar.
Əgər kifayət qədər maye almasaq, hüceyrələr dövran sistemindən, yəni qandan maye çəkərlər. Bu da ürəyin gücə düşməsinə səbəb olur. Eyni zamanda da böyrəklə suyu yaxşı süzə bilmir. Belə bir vəziyyətdə böyrəyin vəzifəsini qaraciyər və digər orqanlar boynuna götürər və bu vəziyyət bu orqanlarda şiddətli uyğunsuzluqlara səbəb olur. Bunlara əlavə olaraq qəbizlik, dəridə quruma və qaşıntı, sızanaq, burnun qanaması, sidik yollarının infeksiyası, öskürək, soyuqdəymə və baş ağrı kimi sağlamlıq problemlərinə də rast gəlinir.

Rəvayət.

Övliyanın böyüklərindən Bayəzidi-Bistami “quddisə sirruh” bir gecə yuxuya dalıb, sübh namazına oyana bilmədi. O qədər ağlayıb inlədi ki, bir səs eşitdi: “Ey Bayəzid! Bu qüsurunu əfv etdim. Bu ağlamanın bərəkəti ilə sənə ayrıca yetmiş min namaz savabı verdim”. Bir neçə ay sonra yenə yuxuya daldı. Şeytan gəlib mübarək ayağından tutaraq oyandırdı. “Qalx, namazın keçir”, dedi. Bayəzidi Bistami həzrətləri buyurdu ki: “Ey lənətlənmiş, sən belə iş necə edərsən? Sən hər kəsin namazının keçməsini, vaxtını keçirməsini istəyirsən. Məni nə üçün oyatdın?” Şeytan dedi ki: “Sübh namazını keçirdiyin gün ağlayaraq yetmiş min namaz savabı qazanmışdın. Bu gün onu düşünərək səni oyandırdım ki, bir vaxt namaz savabı alasan. Yetmiş min namaz savabına qovuşa bilməyəsən!”