DÜNYADA - VİKİPEDİA

Vikipediya (wikipedia) - ümumi İnternet vasitəsilə azad yayımlanan ensiklopediyadır. Vikipediya 15 yanvar 2001-ci ildə fəaliyyətə başlamışdır. Onun qurucusu fəlsəfə doktoru Larri Sanqer (Larry Sanger) və amerikalı sahibkar Cimmi Ueylsdir (Jimmy Wales). Vikipediya – “Wikimedia Foundation İnc.” qeyri-hökumət təşkilatı tərəfindən idarə edilir. Viki texnologiyası əsasında, azad proqram təminatı ilə qurulmuşdur. Vikipediya qurulduğu gündən bəri internetin ən böyük mənbə və məlumat saytı olmaq yolunda əmin addımlar atmışdır. Vikipediyanın tərkibi dünyanın dörd bir tərəfində yaşayan insanlar tərəfindən hazırlanır və genişləndirilir. Hər kəsə açıq olması, kommersiya məqsədləri güdməməsi vikipediyanı insanlara daha yaxın edir. Bu sayt Viki texnologiyası texnologiyası əsasında hazırlanmışdır, yəni dünyada internetə çıxışı olan hər bir kəs vikipediyaya daxil olaraq qeydiyyatdan keçmədən səhifələr dəyişiklik apara bilər. Bütün bunları etmək üçün isə saytda hər hansısa bir məqaləyə daxil olub, sağ tərəfdə görünən redaktə bölməsinin üzərinə klik etmək kifayətdir.

Azərbaycanca Vikipediya digər vikipediyalar kimi Vikimedia fonduna məxsusdur. Vikimedia fondunun Vikipediyadan başqa daha doqquz layihəsi vardır. Azviki 2004-cü ildən etibarən fəaliyyət göstərir. Siz də öz biliklərinizi bu ümumi ensiklopediyada bölüşərək, paylaşa bilərsiniz.