DÜNYANIN MƏHV OLMUŞ QƏDİM ŞƏHƏRLƏRİ

Pompey
Pompey şəhəri 2000 min il əvvəl Vezuvi vulkanının ətəklərində mövcud olub. 79-cu il 24 avqust tarixində vulkan püskürməsi nəticəsində şəhər qaynar lava altında qalaraq məhv olmuşdur. Qazıntılar zamanı oradan hətta daşlaşmış can verən insan qalıqları tapılmışdır. Hazırda şəhərin xarabalıqları qalmışdır.

Babil
E.ə. II minillikdə Mesapotomoyada mövcud olmuşdur. Babil dövlətinin paytaxtı olmuş bu şəhərin qalıqları Dəclə-Fərat çaylarının qovuşduğu yerdə indiki Bağdad şəhərindən 85 km. cənubunda Əl-Hillə şəhərinin yerində tapılmışdır.

Efes
Efes Egey dənizi sahillərində salınmışdır. Bu şəhər möhtəşəm Artemida məbədi ilə tanınırdı. Şəhərin xarabalıqları Egey dənizindən 6 km. aralıda bataqlıq altında yerləşir.

Persopol
Persopol qədim Əhəməni dövlətinin paytaxtı olmuşdur. Bu şəhər e.ə.560-cı ildə indiki İran ərazisində Şirazdan 50 km. şimal-şərq hissədə salınıb. Makedoniyalı İsgəndər tərəfindən dağıdılıb. Hazırda şəhərin xarabalıqları böyük saray kompleksindən ibarətdir.