SÖHBƏT - İXLAS SURƏSİNİN FƏZİLƏTİ

Hədisi-şəriflərdə buyuruldu ki:

“İxlas surəsini oxumaq bütün Qurani-kərimin üçdə birinə bərabərdir.”
“Qurani-kərimin ən fəzilətli surəsi İxlas surəsidir.”
“Arəfə günü 1000 İxlas oxuyanın bütün günahları bağışlanar və hər duası qəbul olar.” Hamısını Bəsmələ ilə oxumaq lazımdır.
“Qəbiristanlıqdan keçərkən on bir İxlas oxuyub imanla vəfat etmiş ölülərin ruhlarına hədiyyə edən kimsəyə, oradakı ölülərin sayı qədər savab verilər”.
“Yatağa girəndə Fatihəni və İxlas surəsini oxuyan ölüm müstəsna hər şeydən əmin olar.”
“Evə girərkən İxlas şərifi oxyan kasıblıq görməz.”
“Kim sabah namazından sonra İxlas surəsini 11 dəfə oxuyarsa, o gün o şəxsi bir günah gəlib tapmaz. Şeytan cəhd etsə də qorunmuş olar.”
“Bir yolçuluğa çıxmaq istəyən kimsə evin qapısını örtüb ayrılınca 11 dəfə İxlas surəsini oxuyarsa, o dönənə qədər Allahu təala onu (evini) mühafizə edər.”
“Kim axşam namazından sonra (danışmadan) iki rükət namaz qılıb, birinci rükətində Fatihə və Kafirun, ikinci rükətində Fatihə və İxlas surələrini oxuyarsa ilan dərisindən sıyrılıb çıxdığı kimi o da günahlarından eləcə sıyrılıb çıxar.”
“Yeməyə başlayarkən bəsmələ çəkməyi unudan, yeməyi qurtaran kimi İxlas surəsini oxusun.”
“Kim hər gün 200 dəfə İxlas surəsini oxuyarsa , borcları xaric 50 illik günahı bağışlanar.”
“Kim ölüm xəstəliyində İxlas surəsini oxuyarsa, qəbir əzabı görməz. Qəbrin sıxmasından əmin olar. Mələklər onu qanadlarında daşıyarlar və Siratdan surətli bir şəkildə keçirərlər.”
“Cümə namazından sonra 7 dəfə İxlas və Muavvizəteyn (yəni Fəlaq və Nas surələrini) oxuyanı Allahu təala bir həftə qəzadan, bəladan və pis işlərdən qoruyar.”
“Qəbiristana girincə Fatihə, Fəlaq, Nas və İxlas surələrini oxuyun! Savabını meyitlərə göndərin! Savabı hamısına çatar.”