HEKAYƏ - BİR SAAT

Adam evə qayıdanda, 5 yaşındakı oğlunu qapının önündə gözləyərkən görər. Uşaq atasına soruşar:

- Xoş gəldin atacan. Sən bir saatda nə qədər pul qazanırsan?
Yorğun gələn adam sərt şəkildə cavab verər:
- Bu sənin işin deyil!
- Atacan xahiş edirəm söylə.
- Nə olacaq? 20 dollar...
- Yaxşı mənə 10 dollar borc verərsən?

Adam əməllicə əsəbiləşib qışqırır:

- Mənim, sənin axmaq oyuncaqlarına və ya başqa şeylərinə verəcək pulum yoxdur! Dərhal otağına get!..
Uşaq küskün şəkildə otağına gedib qapısını bağlayır. Atası hirsli-hirsli, "Bu uşaq necə belə şeylərə cəsarət edir?" deyə düşünür. Aradan bir müddət keçdikdən sonra atası bir az sakitləşir. Uşağa bəlkə də həqiqətən lazım olduğunu düşünür. Otağına gedib hələ yata bilməyən uşağa deyir:

- Al görək istədiyin 10 dolları! Sənə az əvvəl sərt davrandığım üçün üzr istəyirəm, amma yorucu bir gün keçirmişdim.
Uşaq sevinclə atasına qucaqlayar və, "Təşəkkür edirəm atacan!" deyə sevinər. Yastığın altından digər buruq pulları çıxararaq, atasının üzünə baxar və yavaşca pulları sayar. Bunu görən adam yaxşıca hirslənərək yenə sərt şəkildə soruşur:

- Pulun olduğu halda nə üçün məndən pul istəyirsən?
- Atacan, kifayət qədər yoxdu.

Bu sırada əlindəki pulları atasına uzadaraq son sözünü söyləyir:
- Al 20 dollar atacan. Bir saatını mənə ayırarsan?