SÖHBƏT - NAMAZ BÖYÜK ƏMRDİR

Adəm əleyhissəlamdan bəri hər dində bir vaxt namaz vardı. Hamısı bir yerə toplanaraq Muhamməd əleyhissəlama inananlara fərz edildi. Namaz qılmaq imanın şərti deyil. Lakin namazın fərz olduğuna inanmaq imanın şərtidir.

Namaz dinin dirəyidir. Namazını davamlı, doğru və tam olaraq qılan dinini qurmuş, islam binasını ayaq üstə tutmuş olar. Namaz qılmayan dinini və islam binasını yıxmış olar. Peyğəmbərimiz (sallallahu aləyhi və səlləm) buyurdu ki; “Dinimizin başı namazdır”. Başsız insan olmadığı kimi, namazsız da din olmaz.

Namaz islam dinində imandan sonra ilk fərz edilən əmrdir. Allahu təala qullarının yalnız özünə ibadət etmələri üçün namazı fərz etdi. Qurani Kərimdə yüzdən artıq ayəti-kərimdə “Namaz qılın!” buyurulur. Hədisi şərifdə Peyğəmbərimiz “Allahu təala hər gün beş vaxt namaz qılmağı fərz etdi. Qiymət verərək və şərtlərinə riayət edərək hər gün beş vaxt namaz qılanı Cənnətə qoyacağını Allahu təala söz verdi” buyurdu.

Namaz dinimizdə edilməsi əmr edilən bütün ibadətlərin ən qiymətlisidir. Bir Hədisi şərifdə, “Namaz qılmayanın İslamdan nəsibi yoxdur!” buyuruldu. Yenə bir Hədisi-şərifdə, “Mömin ilə kafiri ayıran fərq namazdır” buyuruldu. Yəni mömin namaz qılar, kafir qılmaz. Münafıqlar isə bəzən qılar, bəzən qılmaz. Münafıqlar Cəhənnəmdə çox acı əzab görəcəkdir. Rəsulullah “sallallahü aləyhi və səlləm” əfəndimiz buyurdu ki: “Namaz qılmayanlar qiyamət günü Allahu təalanı qəzəbli olaraq görəcəklər.”

Namaz qılmaq, Allahu təalanın böyüklüyünü düşünərək onun qarşısında öz kiçikliyini anlamaqdır. Bunu anlayan kimsə həmişə yaxşılıq edər. Heç pislik edə bilməz. Hər gün beş dəfə Rəbbinin hüzurunda olduğunu niyyət edən kimsənin qəlbi ixlas ilə dolar. Namazda edilməsi əmr olunan hər hərəkət qəlbə və bədənə fayda verir.