Həcc zamanında Şamilin orada olduğunu eşidən dünyanın dörd bir yanından gəlmiş yüz minlərlə müsəlmanın onu görmək üçün yaratdığı izdiham nəticəsində hökumət idarəçiləri onu Kəbənin üzərinə çıxardılar. Beləliklə insanlar onu gördülər.

Şamil həcc ziyarətini yerinə yetirdikdən sonra Mədinəyə getdi. Mədinədə olarkən çox zəifləmiş olan İmam Şamil xəstələndi. Bütün həyatını Allah üçün cihada, ölkəsinin birliyinə həsr etmiş, əsgəri dühasını dünyaya və əbədi düşməni olan rus hökumətinə qəbul etdirən, adını dünya tarixinə "gəlmiş-keçmiş ən böyük müqavimət lideri" olaraq yazdıran İmam Şamil 4 fevral 1871-ci ildə 74 yaşında fani dünyaya gözlərini yumdu.

Tarixin ən böyük hökmdarlarından olan Fateh Sultan Məhməd xan, 3 may 1481-ci ildə vəfat etmişdir. Hələ 22 yaşında olanda İstanbulu alaraq, Bizans İmperatorluğuna son verən bu böyük hökmdar, Arnavutluku, Bosniya və Hersoqovinanı almış, Yunanıstanı fəth etmiş, Balkanları idarəsi altında birləşdirmiş və Trabzon-Rum Pontus Dövlətinə son qoymuşdur. Ümumi olaraq 2 İmperatorluq, 4 Krallıq, 11 kiçik dövlətlər olmaqla 17 dövlət fəth etmişdir. Fateh Sultan Mehmet Xan Osmanlı padşahlarının yeddincisi, 2-ci Murad Xanın oğlu və 2-ci Bəyazid Xanın atasıdır. 1431-ci ildə Ədrinədə doğuldu. Fateh Sultan Məhməd Xan çox cəsur və çox zəki olduğu qədər, çox mükəmməl yetişmiş bir hökmdar idi. Ərəbcə, Farsca, Latınca, Yunanca, Serbcə və bir çox dil bilir, Avropa elm və texnikanı çox gözəl təqib edirdi. Astronomiyanı, riyaziyyat, hərb, tarix, coğrafiya bilgisi çox idi. Kəlam və riyaziyyatda dövrün öndə gedənlərindən idi. Fateh çox sirr saxlayırdı. “Sirrimə saqqalımın bir tükünün belə açılmasına səbəb olsa, hamısını kəsərəm” sözü məşhur idi.