İnsanın havada uçması üçün düzəldilmiş ən qədim uçaq modeli paraşüt olmuşdur. Leonardo da Vinçinin dəfələrlə paraşütün şəklini çəkdiyi də məlumdur. Praktik olaraq paraşütdən istifadə etmiş ilk adam isə fransız Blanşar idi. 1785-ci ildə o, hava şarından içərisində it olan zənbili yerə atmışdı. Nəticədə it salamat qalmışdı. Paraşütdən müntəzəm istifadənin əsasını isə fransız Qarneri qoymuşdur. O, 1797-ci il oktyabrın 22-də Parisdə 600 metr hündürlükdən ağ brezentdən tikilmiş 7 metr diametrli çətirəbənzər paraşütlə atılmışdı.

Təyyarədən paraşütlə ilk dəfə 1912-ci ildə ABŞ təyyarəçisi Berri uğurla tullanmışdır. Bu gün paraşütdən hərbi əməliyyatlarda, idman yarışları və xilasetmə işlərində geniş istifadə edilir.

Musa əleyhissalam bir müraciətində, Allahu təalaya: "Ya Rəbbi, qulların içində hansı sənə daha sevimlidir?" deyə soruşdu;
Allahu təala: "Sevdiyini əlindən aldığımda mənə təslim olan və üsyan etməyən kimsədir" buyurdu.

Musa əleyhissalam təkrar: "Ya Rəbbi, qulların içində ən çox kimə qəzəb edərsən?" deyə soruşdu.

Allahu təala: "Bir işdə, əvvəl məndən xeyirlisini istəyib, bir hökm verdiyimdə təqdirimə razı olmayan kimsədir"

Allahu təala bir hədisi qüdsidə belə buyurmuşdur: "Kim mənim hökmümə razılaşmaz, verdiyim müsibətə səbr etməzsə məndən başqa bir rəbb axtarsın!"