SÖHBƏT - ƏSRİ-SANİ

Namaz vaxtlarından Əsri-Sani ikinci əsr deməkdir. Əsri-Əvvəl birinci əsr deməkdir. Zöhr namazının vaxtı, İmameynə (İmam Əbu Yusif ilə İmam Muhammədə) və digər üç məzhəbə görə Əsri-Əvvələ qədərdir. Yəni, hər şeyin kölgəsi zöhr namazının əvvəl vaxtındakı uzunluğundan, öz boyu miqdarı uzanana qədərdir. Məsələn, 100 sm olan bir çubuğun kölgəsi, günorta vaxtının əvvəlində 10 sm isə, bu kölgə 110 sm olanda günorta vaxtı bitmiş olar.

İmam Azam (rahmətullahi aleyh) həzrətlərinə görə isə günortanın vaxtı Əsri-Saniyə qədərdir. Yəni, hər şeyin kölgəsi boyunun iki qatı uzanana qədər davam edər ki, yuxarıda bildirilən çubuğun kölgəsi 210 sm olanda əsr vaxtı başlamışdır. Digər üç məzhəbdə zöhr və əsrin vaxtı İmameyndəki kimidir. Yəni bu məzhəblərdə Əsri-Sani vaxtı yoxdur.

Bir üzrlə zöhr namazını İmameynin bildirdiyi vaxta görə Əsri-əvvələ qədər qıla bilməyən kimsə, namazı qəzaya buraxmayıb İmam Azam (rahmətullahi aleyh) həzrətlərinin hökmünə görə Əsri-Əvvəldə qılması lazımdır! Bu təqdirdə o gün əsr namazını da İmam Azam (rahmətullahi aleyh) həzrətlərinin bildirdiyi vaxtdan əvvəl qılması lazımdır! Qısacası, zöhrü Əsri-Əvvəldə qılanın, əsri Əsri-Sanidə qılması lazımdır.

Əsrdə olduğu kimi, işada da iki vaxt vardır. Buna İşai-Əvvəl və İşai-Sani deyilir.

İşa namazının vaxtı İmameynə görə İşai-Əvvəldən, yəni qərbdəki görünən üfüq xətti üzərində, qırmızılıq itdikdən sonra başlayar. Digər üç məzhəbdə də belədir. İmam Azama görə İşai-Sanidən, yəni ağlıq itdikdən sonra başlayar. Qırmızılığın itməsi, günəşin üst kənarının üfüqün altında 17 dərəcəyə endiyi vaxtdır 19 dərəcəyə enəndə də ağlıq itər.

Həm İmam Azam (rahmətullahi aleyh) həzrətlərinin, həm də İmameynin qövlünə tabe olmaq üçün əsri Əsri-Sanidə, işanı da İşai-Sanidə qılmaq yaxşı olar.